Deepavali Bonanza: దీపావళి పండగను పురస్కరించుకుని తమిళనాడు ప్రభుత్వం సామాన్యులకు అదిరిపోయే స్కీమ్ ను అందుబాటులోకి తీసుకువచ్చింది. పెరుగుతున్న కూరగాయల ధరలతో ఇబ్బందులు పడుతున్న ప్రజలకు తక్కువ ధరకే కూరగాయలను అందించేందుకు రూ. 100కే 10 రకాల కూరగయల ప్యాక్ ను అందుబాటులోకి తీసుకువచ్చింది. వెట్రి స్పెషల్ వెజిటెబుల్ ప్యాక్ పేరుతో ఈ ప్రత్యేక విక్రయాలను చేపట్టింది.
తమిళనాడు ప్రభుత్వం ప్రవేశపెట్టిన ఈ ప్రత్యేక కూరగాయల ప్యాక్ విక్రయాలను నవంబర్ 5వ తేదీ నుంచి 7వ తేదీ వరకు 3 రోజుల పాటు కొనసాగనున్నాయి. రాష్ట్రవ్యాప్తంగా ఎంపిక చేసిన 218 సహకార దుకాణాల ద్వారా ఈ కూరగాయలను పంపిణీ చేయనున్నారు. దీపావళి పండగ సమయంలో ఇలా వంటింటికి అవసరమైన కూరగాయలను ఒకే ప్యాకేజీలో తక్కువ ధఱకు అందించడం ఈ స్కీమ్ ప్రధాన ఉద్దేశ్యం. మార్కెట్ ధరలతో పోల్చితే ప్రజలకు కొంత ఆర్థిక ఊరట కల్పించేందుకు ప్రభుత్వం ఈ నిర్ణయం తీసుకుందని అధికారులు తెలిపారు.
ఈ ప్రత్యేక ప్యాకేజీలో 500 గ్రాముల ఉల్లిపాయలు, టమాటా500 గ్రాములు, వంకాయలు 500 గ్రాములు, బంగాళాదుంపలు 250గ్రాములు, క్యారెట్లు 200 గ్రాములు, బీన్స్ 200 గ్రాములు, పచ్చిమిర్చి 100 గ్రాములు, నిమ్మకాయలు 100 గ్రాములు, అల్లం 50 గ్రాములు, కొబ్బరి కాయ ఒకటి ఉంటాయి. ఒక వ్యక్తికి ఒక ప్యాకేజీ మాత్రమే అందించనున్నట్లు అధికారులు తెలిపారు.
దీపావళి సమయంలో ఇంట్లో ప్రత్యేక వంటకాలు తయారు చేసుకునేందుకు కూరగాయలు ఎక్కువగా అవసరం అవుతాయి. ఈ నేపథ్యంలోనే 10 రకాల కూరగాయలను ఒకే ప్యాక్ లో 100కే అందించడం వల్ల వినియోగదారులకు మరింత ప్రయోజనం కలుగుతుంది. ఎంపిక చేసిన సహకార దుకాణాల ద్వారా ఈ ప్యాక్ లను అందుబాటులో ఉంచడంతో ప్రజలు ఒకే చోట అవసరమైన కూరగాయలను కొనుగోలు చేసే అవకాశం ఉంటుంది.
Also Read:
 "దీపావళి ధమాకా.. కేవలం రూ.100కే 10 రకాల కూరగాయలు.. రాష్ట్ర ప్రభుత్వం బంపర్ ఆఫర్..!!")
)