చార్ట్ ప్రిపేర్ అయ్యాక ఖాళీ బెర్త్ చూసుకోవడం ఇక మరింత ఈజీ! IRCTC యాప్‌లో ఈ కొత్త ఫీచర్ చూశారా?

భారతీయ రైల్వే వ్యవస్థ నిరంతరం ఆధునీకరించబడుతూనే ఉంది. ఐఆర్‌సీటీసీ వేదికగా టికెట్ల బుకింగ్‌లో ఎదురయ్యే ఇబ్బందులను నివారించడానికి , ప్రజలకు ప్రయాణ సౌకర్యాలను మరింత సులభతరం చేయడానికి కొత్త అప్‌డేట్లను తీసుకువస్తోంది. చార్ట్ ప్రిపేర్ అయిన తర్వాత కూడా ఖాళీగా ఉన్న సీట్లను చూసి బుక్ చేసుకునే సౌలభ్యాన్ని ఐఆర్‌సీటీసీ కల్పిస్తోంది. భారతీయ రైల్వేలో ప్రతిరోజూ ఉదయం 8 గంటలకు 60 రోజుల ముందుగానే టికెట్లు విడుదలవుతాయి. వీటిని ముందుగానే బుక్ చేసుకోవడం వల్ల రిజర్వేషన్ ఖచ్చితంగా వస్తుంది. తత్కాల్ టికెట్ల కోసం ఉదయం 10 గంటల నుండి బుకింగ్ ప్రారంభమవుతుంది. ఒకవేళ చార్ట్ ప్రిపేర్ అయిపోయిన తర్వాత మన సీటు కన్ఫర్మ్ కాకపోతే, అప్పుడు కూడా ఖాళీగా ఉన్న సీట్లను చూసి బుక్ చేసుకునే అవకాశం ఉంది. ఈ ఉపయోగకరమైన సమాచారాన్ని సోషల్ మీడియా వేదికగా అందరితో పంచుకోండి.

చార్ట్ ప్రిపేర్ అయిన తర్వాత ఖాళీగా ఉన్న సీట్లు కనిపించడానికి ప్రధాన కారణం ప్యాసింజర్ల టికెట్ క్యాన్సిలేషన్ లేదా కోటాలో జరిగే మార్పులు కావచ్చు. ఒకవేళ మీరు ఖాళీగా ఉన్న సీట్లను చూసి బుక్ చేసుకోవాలనుకుంటే, ఐఆర్‌సీటీసీ అందించే వెకన్సీ అప్డేట్స్ ద్వారా సులభంగా తెలుసుకోవచ్చు.

ఐఆర్‌సీటీసీ యాప్ ద్వారా ఖాళీగా ఉన్న సీట్లను బుక్ చేసుకునే విధానం:
ఐఆర్‌సీటీసీ ఆధ్వర్యంలో ఖాళీగా ఉన్న సీట్లను బుక్ చేసుకోవడం చాలా సులభం. మొదటగా మీరు ఐఆర్‌సీటీసీ రైల్ కనెక్ట్ (Rail Connect) యాప్‌ను ఓపెన్ చేయాలి. అందులో ఉన్న 'మోర్ సర్వీసెస్' (More Services) ఆప్షన్‌ను ఎంచుకుంటే, మీకు 'చార్ట్ వెకన్సీ' (Chart Vacancy) అనే ఆప్షన్ కనిపిస్తుంది. ఇక్కడ మీకు ఖాళీగా ఉన్న సీట్ల రిజర్వేషన్ చార్ట్ పాయింట్ కనిపిస్తుంది. అక్కడ మీరు ప్రయాణించాలనుకుంటున్న ట్రైన్ నంబరు, ప్రయాణ తేదీ, క్లాస్‌ను ఎంచుకుని, 'చెక్ వెకన్సీ' ఆప్షన్‌పై క్లిక్ చేయాలి. అప్పుడు మీ కళ్ళముందు ఏ క్లాస్‌లో ఎన్ని బెర్తులు ఖాళీగా ఉన్నాయో? ఏ సీటు ఖాళీగా ఉందో స్పష్టంగా కనిపిస్తుంది.

ఖాళీగా ఉన్న సీటుకు కన్ఫర్మ్ టికెట్ వస్తుందా?
ఈ చార్ట్ వెకన్సీ ఫీచర్ ప్రధానంగా యూజర్లు ఏ సీటు ఖాళీగా ఉందో స్టేటస్ చెక్ చేసుకోవడానికి మాత్రమే ఉపయోగపడుతుంది. ఒకవేళ మీకు ఖాళీగా ఉన్న సీటు కనిపిస్తే, మీరు రైల్వే నిబంధనలను ఖచ్చితంగా పాటించాల్సి ఉంటుంది. ఈ ప్రక్రియ పూర్తిగా అధికారికంగా, నిబంధనల ప్రకారం జరగాలి. ఖాళీగా ఉన్న సీటును కన్ఫర్మ్ చేసుకోవడానికి రైల్వే అధికారులను సంప్రదించి సీటును రిజర్వ్ చేసుకోవాల్సి ఉంటుంది. కేవలం ఖాళీగా ఉంది కదా అని అనుమతి లేకుండా సీట్లో కూర్చుంటే, అది నిబంధనల ఉల్లంఘన అవుతుంది. మీకు జరిమానా కూడా విధించబడవచ్చు.

Read ALso: విశాఖ వాసులకు గుడ్ న్యూస్.. చర్లపల్లికి స్పెషల్ ట్రైన్! కానీ ఆ రూట్లలో పలు రైళ్లు రద్దు!
 

అంతేకాకుండా, టీటీఈ ద్వారా కూడా మీరు సులభంగా ఖాళీగా ఉన్న సీటును కొనుగోలు చేయవచ్చు. భారతీయ రైల్వే ప్రతిరోజూ లక్షలాది మంది ప్రయాణికులను వారి గమ్యస్థానాలకు సురక్షితంగా చేరవేస్తోంది. ప్రతిరోజూ వేల సంఖ్యలో రైళ్లు దేశవ్యాప్తంగా నడుస్తుంటాయి. ముఖ్యంగా పండగ సమయాల్లో ప్రయాణికుల రద్దీని దృష్టిలో ఉంచుకుని, అదనపు రైళ్లను, అదనపు ట్రిప్పులను కూడా ఏర్పాటు చేస్తారు. రద్దీ ఎక్కువగా ఉండే ప్రధాన స్టేషన్ల నుండి ఈ ప్రత్యేక రైళ్లు అందుబాటులో ఉంటాయి