Kerala: కేరళలో రోడ్డెక్కిన టీచర్ అభ్యర్థులు.. గుండు గీయించుకుని మరీ నిరసన.. వీడియో వైరల్..

Keralam lower primary Teacher rank holder shaves head video: మన సమాజంలో గురువులకు ఎంతో విశిష్టస్థానం ఉంది. తల్లిదండ్రుల తర్వాత గురువులకు ఆ  ఉన్నత  స్థానం ఇచ్చారు. చాలా మంది టీచర్లు స్కూళ్లలో పాఠాలతో పాటు, జీవిత పాఠాలు కూడా చెబుతుంటారు. ఎంతో అంకిత భావంతో విద్యాబోధన చేస్తారు. అయితే.. అలాంటి ఉపాధ్యాయ రంగంలో ఉన్న వారు ఇటీవల పలు రాష్ట్రాల్లో సమస్యల్నిఎదుర్కొంటున్నారు. ఈ క్రమంలో కేరళలో నిరుద్యోగ ఉపాధ్యాయ అభ్యర్థులు తిరువనంతపురంలోని సెక్రెటెరియట్ వద్ద నిరసనలకు దిగారు.

110 రోజులకు పైగా నిరసన.. ఉద్యోగం కోసం కేరళలో మహిళా అభ్యర్థి గుండు కేరళలో ఎల్‌పీఎస్‌టీ (LPST) పీఎస్‌సీ ర్యాంక్ హోల్డర్ ఎస్. వలర్మతి 110 రోజులకు పైగా నిరసన చేసినా ఉద్యోగం దక్కలేదంటూ రోడ్డుపై గుండు చేయించుకున్నట్లు సమాచారం. తనకు రావాల్సిన టీచర్ ఉద్యోగం కోసం ఆమె రోడ్డుపై నిరాహార దీక్షకు దిగిన ఘటన కేరళలో చర్చనీయాంశంగా మారింది. ఢిల్లీలో విద్యార్థుల సమస్యలపై రాహుల్ గాంధీ పోరాటం చేస్తున్నారని విమర్శలు వస్తున్న నేపథ్యంలో.. కేరళలో నిరసన చేస్తున్న వలర్మతి విషయంలో ఆయన, కాంగ్రెస్ వర్గాలు స్పందించడం లేదంటూ రాజకీయ విమర్శలు వ్యక్తమవుతున్నాయి. #KeralaPSC #Valarmathi #RahulGandhi #Congress

— ముచ్చట్లు | Stories • Voices • Views (@muchatlu_) October 27, 2026

కేరళలోని తిరువనంతపురంలో  నిరుద్యోగ టీచర్  అభ్యర్థులు నిరసనలకు దిగారు. వీరంతా 
కేరళ పబ్లిక్ సర్వీస్ కమిషన్ (PSC)తో.. లోయర్ ప్రైమరీ స్కూల్ టీచర్ (LPST) ఉద్యోగ  భర్తీపై
జరుగుతున్న ఆలస్యంకు తీవ్ర నిరసనలకు దిగారు. ఈక్రమంలో ఆల్ కేరళ LPST ర్యాంక్ హోల్డర్స్ అసోసియేషన్ కార్యదర్శి ఎస్. వలర్మతి ఈ కార్యక్రమంలో గుండు గీసుకొని మరీ ప్రభుత్వంకు వ్యతిరేకంగా నిరసనలకు దిగారు. 

అంతే కాకుండా ఉపాధ్యాయ అభ్యర్థులతో కలిసి ఆమరణ నిరాహర  దీక్షను సైతం చేపట్టారు. ఈ క్రమంలో ఇప్పటికే టీచర్ పోస్టుల భర్తీకి పరీక్షలు రాసి, అధికారిక ర్యాంక్ లిస్టులో అర్హత సాధించినప్పటికీ ప్రభుత్వం నియామక ఉత్తర్వుల జారీపై ఆలస్యం చేయడంపై తీవ్రస్థాయిలో ఆగ్రహం వ్యక్తం చేస్తున్నారు. కొన్ని రోజులుగా నిరసనలు చేస్తున్న ప్రభుత్వం నుంచి ఎలాంటి స్పందన  రాక పోవడంతో ఏకంగా రోడ్డుపై గుండు గీయించుకునిమరీ టీచర్ అభ్యర్థి నిరసనలకు దిగడం కేరళ రాజకీయాల్లో హాట్ టాపిక్ గా  మారింది.

గతంలో ప్రభుత్వం ఇచ్చిన హమీలను మాత్రమే తాము అడుతున్నామని టీచర్  ర్యాంకు హోల్డర్ లు ప్రశ్నలు సంధిస్తున్నారు. గతంలో తమ డిమాండ్లను పరిష్కరిస్తామని చెప్పిన కేరళ సర్కారు మాటతప్పిందంటూ టీచర్ అభ్యర్థులు తీవ్ర స్థాయిలో ఆగ్రహం వ్యక్తం చేస్తున్నారు. కుండపోతగా కురుస్తున్న వర్షంలో సైతం నిరసననలు చేస్తున్న ప్రభుత్వం నుంచి కనీసం రెస్పాన్స్ రాకపోవడం దారుణమన్నారు. ఈక్రమంలో టీచర్ అభ్యర్థులు పలు డిమాండ్ లను ప్రభుత్వం ముందు ఉంచారు.

విద్యార్థి-ఉపాధ్యాయ నిష్పత్తిని 1:25కు తగ్గించడం, ప్రధానోపాధ్యాయుల ఖాళీలను (HTV) PSC పరిధిలోకి చేర్చడం, తమ టీచర్ ర్యాంకు లిస్ట్ చెల్లుబాటును పొడిగించడం, ఈ భర్తీ పూర్తయ్యే వరకు కొత్త నోటిఫికేషన్ ను వాయిదా వేయాలని పలు డిమాండ్ లను కేరళ ప్రభుత్వంముందు నిరసన తెలియజేస్తున్న టీచర్లు ఉంచారు.

సెప్టెంబర్ 30న మంత్రితో జరిగిన సమావేశంలో, నిరసనలు విరమించుకున్న తర్వాత తమ డిమాండ్లను ఆమోదిస్తూ ఉత్తర్వులు జారీ చేస్తామని అధికారులు చెప్పారని వలర్మతి TNIEకి తెలిపారు. మరోవైపు నీట్ పేపర్ లీక్, జెన్ జీల సమస్యలపై ఢిల్లీలో పోరాటం మద్దతు తెలిపిన కాంగ్రెస్ నేత రాహుల్ గాంధీ.. కేరళ వలర్మతి విషయంలో ఎందుకు స్పందించడంలేదని రాజకీయ దుమారం చెలరేగింది.