సోమవారం బ్యాంక్ పనులు ఉన్నాయా? అయితే ఈ వార్త మీకోసమే.. అసలు కారణం ఇదే!

Monday Bank Holiday: ప్రతి ఒక్కరికీ బ్యాంకు ఖాతా ఉంటుంది, ఆన్‌లైన్ సేవలు కూడా పొందుతారు. అయితే ఏవైనా బ్యాంకు బ్రాంచ్‌కు వెళ్లాల్సిన పనులు ఉంటే, ముందుగానే బ్యాంకు తెరిచి ఉందా లేదా అని తనిఖీ చేసుకోవాలి. ప్రతి ఆదివారంతో పాటు రెండో, నాలుగో శనివారాల్లో కూడా దేశవ్యాప్తంగా అన్ని బ్యాంకులు మూసివేస్తారు. దీపావళి ఆదివారం రావడంతో, ఈ రోజుకు సెలవు ఉండగా, సోమవారం నవంబర్ 9వ తేదీ కూడా పలు ప్రాంతాల్లో బ్యాంకులు బంద్ ఉన్నాయి. ఆర్‌బీఐ ప్రకారం ఈ సెలవు వర్తిస్తోంది. మీరు కూడా బ్యాంకు పనుల నిమిత్తం వెళ్తుంటే, మీ ప్రాంతంలో బ్యాంకులు తెరిచి ఉన్నాయో లేదో తనిఖీ చేసుకోవాలి. దీపావళి లక్ష్మీ పూజ, గోవర్ధన పూజ సందర్భంగా నవంబర్ 9వ తేదీ నెగోషియబుల్ ఇన్‌స్ట్రుమెంట్స్ చట్టం ప్రకారం బ్యాంకు సెలవుగా ఉండనుంది.

సాధారణంగా రిజర్వ్ బ్యాంక్ ఆఫ్ ఇండియా, నెగోషియబుల్ ఇన్‌స్ట్రుమెంట్స్ చట్టం, రియల్ టైమ్ గ్రాస్ సెటిల్మెంట్స్, అకౌంట్ క్లోజింగ్ డేస్ వంటి సందర్భాల్లో కూడా సెలవులు ఇస్తుంది. అయితే నవంబర్ 9వ తేదీ లక్ష్మీ పూజ, గోవర్ధన పూజ, విశ్వకర్మ దినోత్సవం సందర్భంగా దేశవ్యాప్తంగా పలు ప్రాంతాల్లో బ్యాంకులు బంద్ ఉంటాయి.

నవంబర్ 9, 2026న ఈ ప్రాంతాల్లో బ్యాంకులు బంద్ ఉంటాయి. ప్రధానంగా ఉత్తరప్రదేశ్, రాజస్థాన్, మధ్యప్రదేశ్, చండీగఢ్, త్రిపుర, సిక్కిం, మణిపూర్ వంటి ప్రాంతాల్లో బ్యాంకులు మూసివేయబడతాయి. ఇది మాత్రమే కాదు, నవంబర్ 9న మహారాష్ట్ర, వెస్ట్ బెంగాల్ వంటి రాష్ట్రాల్లో, అలాగే తెలుగు రాష్ట్రాల్లో కూడా బ్యాంకులు పనిచేస్తాయి.

Read Also: నవంబర్ 2026 బ్యాంక్ సెలవుల జాబితా..వచ్చే నెలలో ఎన్ని రోజులు బ్యాంకులు బంద్‌?పూర్తి లిస్ట్ ఇదే!
Read Also: రేపు అక్టోబర్ 21న ఎస్‌బీఐ, పీఎన్‌బీ సహా ఇతర బ్యాంకులు పనిచేస్తాయా? లేదా?
 

బ్యాంకు బ్రాంచ్‌లు మూసివున్నా, ఏటీఎం సేవలు యథావిధిగా కొనసాగుతాయి. డిజిటల్ బ్యాంకింగ్ అందుబాటులో ఉంటుంది, థర్డ్ పార్టీ పేమెంట్ యాప్స్ కూడా పనిచేస్తాయి కాబట్టి సులభంగా చెల్లింపులు చేసుకోవచ్చు. అయితే పెద్ద మొత్తంలో డబ్బు విత్‌డ్రా చేయాలన్నా, డిపాజిట్ చేయాలన్నా మాత్రం బ్యాంకుకు వెళ్లాల్సిందే. ఫండ్ ట్రాన్స్‌ఫర్‌ను ఫోన్ పే, గూగుల్ పే, పేటీఎం, యూపీఐ యాప్స్ ద్వారా కూడా నిర్వహించుకోవచ్చు. ఇది మాత్రమే కాకుండా ఇంటర్నెట్ బ్యాంకింగ్, మొబైల్ బ్యాంకింగ్, ఐఎంపీఎస్, నెఫ్ట్, ఆర్‌టీజీఎస్ సేవలు కూడా పొందవచ్చు. ఏటీఎం విత్‌డ్రాయల్, డిపాజిట్ మెషీన్లు కూడా పలు ప్రాంతాల్లో అందుబాటులో ఉంటాయి. బ్యాంకు బ్రాంచ్‌లు మాత్రమే మూసివున్నాయి. ప్రధానంగా చెక్ క్లియరెన్స్, పాస్‌బుక్ అప్‌డేట్, కౌంటర్ క్యాష్ విత్‌డ్రాయల్ వంటి పనులకు మాత్రం బ్యాంకు బ్రాంచ్‌కు వెళ్లాల్సిందే. అందుకే ముందుగానే బ్యాంకు బ్రాంచ్ తెరిచి ఉందా లేదా అని తనిఖీ చేసుకుని వెళ్లండి, లేకపోతే ఇబ్బందులు పడతారు.