Uttarakhand: ట్రాఫిక్ పోలీసులతో భయం.. భార్యను రోడ్డు మీద పడేసి భర్త పరుగో పరుగు.. వీడియో వైరల్..

Woman fell from husband bike on road in rudrapur uttarakhand: ట్రాఫిక్ నియమాలను పాటించాలని పోలీసులు తరచుగా చెబుతుంటారు. కానీ కొంత మంది ఇప్పటికి కూడా ట్రాఫిక్ రూల్స్ పాటించరు. పోలీసులు కన్పిస్తే మెల్లగా జారుకొవడం లేదా పారిపోవడం చేస్తారు. వాహనం మీద ట్రిబుల్ రైడింగ్, రాంగ్ రూట్ లో వెళ్లడం చేస్తారు. ఇక హెల్మెట్ లను పెట్టుకొరు. తప్పతాగి వాహనాలను కూడా నడిపిస్తారు. 

ఇలాంటి వారిని నిత్యం మనం చూస్తుంటాం. ఈ క్రమంలో పొలీసులు తనిఖీలు చేస్తున్నప్పుడు ఇలాంటి వారు పోలీసుల బారి నుంచి తప్పించుకొవడానికి నానా తంటాడు పడుతారు. కొన్నిసార్లు ట్రాఫిక్ పోలీసులపై దాడులు కూడా చేస్తారు. ఈ క్రమంలో ఉత్తరాఖండ్ లోని రుద్రపూర్ లో షాకింగ్ ఘటన వెలుగులోకి వచ్చింది.

ఉత్తరాఖండ్ లోని రుద్రపూర్ లో ట్రాఫిక్ పోలీసులు త్రిశుల్ చౌక్ వద్ద వాహనాలను తనిఖీలు చేస్తున్నారు. ఇంతలో ఒక బైక్ మీద ముగ్గురు స్పీడ్ గా ఆ మార్గంలో వస్తున్నారు. అప్పుడు ఒక్కసారిగా ట్రాఫిక్ పోలీసులను చూసి షాక్ అయ్యారు. బైక్ ను స్పీడ్ గా తీసుకెళ్లేందుకు ప్రయత్నించారు. ఒక్కసారిగా వేగంగా ఎక్స్ లెటర్ ఇవ్వడంతో పాపం.. వెనుక ఉన్న సదరు వ్యక్తి భార్య రోడ్డు మీద బొక్కా బొర్లా పడింది. అతను మాత్రం కనీసం తన భార్య రోడ్డుమీద పడిపోయిందని కూడా గమనించకుండా బైక్ పై వెళ్లిపోయాడు.

 పోలీసులు అతడ్ని పట్టుకొవాలని చూసిన కూడా సాధ్యపడలేదు. అతను పోలీసులు నుంచి తప్పించుకొని పొవడం కాస్త అక్కడున్న సీసీ ఫుటేజీలో రికార్డు అయ్యింది. రోడ్డుమీద మహిళను పోలీసులు చెయ్యి పట్టుకుని పైకెత్తి అక్కడి నుంచి ఆస్పత్రికి తరలించారు. ఆమెకు చిన్నపాటి గాయాలైనట్లు తెలుస్తొంది. ఈ ఘటనకు చెందిన వీడియో  ప్రస్తుతం సోషల్ మీడియాలో వైరల్గా మారింది. దీన్ని చూసిన నెటిజన్లు ఆశ్చర్యం వ్యక్తం చేస్తున్నారు.