Madurai Tanishq Theft: మధురై తనిష్క్ చోరీ కేసులో బిగ్ ట్విస్ట్..ఫెమస్ యూట్యూబర్ అరెస్ట్.. వెలుగులోకి షాకింగ్ విషయాలు..

Youtuber arrested in Madurai tanishq jewellery theft row: తమిళనాడులోని మదురై నగరంలో ఇటీవల భారీ చోరీ జరిగింది.  కలవాసల్ బైపాస్ రోడ్డులో ఉన్న ప్రముఖ తనిష్క్ జ్యువెలరీ షోరూమ్‌ను టార్గెట్ గా చేసుకుని కొంత మంది దుండగులు భారీ చోరీకి ప్లాన్ వేశారు. షోరూమ్ లో ఉన్న సుమారు 16 కేజీల బంగారం నగల్ని కాజేశారు. దీని విలువ దాదాపుగా రూ. 25 కోట్లు ఉంటుందని అంచనా వేస్తున్నారు. మరోవైపు ఇంటిరియరర్ పనులు కొనసాగుతుండగానే ఈ ఘటన జరగడటంతో అందరు షాక్ అయ్యారు. దీంతో షోరూమ్ సిబ్బంది ఫిర్యాదు మేరకు పోలీసులు అన్ని కోణాల్లో విచారణ చేపట్టారు. సదరు జ్యువెల్లరీ షోరూమ్ చుట్టుపక్కల ప్రాంతాల్లో ఉన్న సీసీ కెమెరాల్ని జల్లెడపట్టారు. 

ఇన్‌స్టాగ్రామ్ సెలబ్రిటీ మీనాక్షి అరెస్ట్ ఆమె చూపించిన చోట బంగారు నగలు తవ్వి తీసిన పోలీసులు https://t.co/UbrurdSQpV

— ముచ్చట్లు | Stories • Voices • Views (@muchatlu_) November 14, 2026

ఈ ఘటనలో మధురై పోలీసులు ఫెమస్ య్యూబర్ తో పాటు ప్రధాన నిందితుడి తండ్రిని సైతం పోలీసులు అరెస్ట్ చేశారు. వీరి నుంచి సుమారు ఐదు కిలోల బంగారు ఆభరణాలను పోలీసులు స్వాధీనం చేసుకున్నారు. నిందితులను యూట్యూబర్ మీనాక్షి, ప్రధాన నిందితుడు నిశాంత్ కృష్ణ తండ్రి సురేష్‌గా గుర్తించారు.

మరోవైపు నిశాంత్ కోసం పోలీసులు ప్రత్యేకంగా రంగంలోకి దిగి గాలింపు చేపట్టారు. ఈ చోరీ కోసం దొంగలు నవంబర్ 5న రిహర్సల్స్ కూడా చేసినట్లు పోలీసులు గుర్తించారు. దొంగ గంటకు పైగా దుకాణంలోనే ఉండి, ఆ సమయంలో డిస్‌ప్లే కేసుల నుండి సంచులు, ట్రాలీ బ్యాగులలో బంగారం, వజ్రాల ఆభరణాలను దోచుకున్నాడని కూడా  సీసీటీవీ ఫుటేజీలో గుర్తించారు. చోరీకి పాల్పడిన వ్యక్తి ఇంట్లో పోలీసులు తనిఖీలు చేపట్టారు.