EPFO: PF ఉద్యోగులకు గుడ్ న్యూస్.. డబ్బుల విషయంలో కీలక అప్‌డేట్.. ఉద్యోగులు ఈ తేదీ గుర్తుంచుకోండి!

PF గడువు ఎందుకు పొడిగించారు?

PFకు సంబంధించిన వేతన పరిమితిలో మార్పులు చేయడం వల్ల కొన్ని సంస్థలకు ఇబ్బందులు ఎదురయ్యాయి. గతంలో తప్పనిసరి PF పరిధికి నెలవారీ వేతన పరిమితి రూ.15,000గా ఉండేది. దీనిని 2026 సెప్టెంబర్ 17 నుంచి రూ.25,000కు పెంచినట్లు కథనంలో పేర్కొన్నారు. ఈ మార్పుల కారణంగా సంస్థలు తమ జీతాల లెక్కలు, ఉద్యోగుల PF వాటాలు, పేరోల్ వ్యవస్థల్లో అవసరమైన మార్పులు చేయాల్సి వచ్చింది.

ఉద్యోగుల పీఎఫ్ వివరాలు

ఈ పనులను పూర్తి చేయడానికి మరింత సమయం కావాలని యజమానులు కోరడంతో EPFO గడువును పొడిగించింది. అయితే, ఈ వెసులుబాటు కేవలం సెప్టెంబర్ 2026 నెలకు సంబంధించిన PF రిటర్నులు, చెల్లింపులకు మాత్రమే వర్తిస్తుంది. ఇతర నెలల గడువుల్లో ఎలాంటి మార్పు లేదు.

ఉద్యోగులు ఏ విషయాలు తనిఖీ చేయాలి?

ఈ గడువు పొడిగింపు ప్రధానంగా యజమానులకు వర్తించినప్పటికీ, ఉద్యోగులు కూడా తమ PF ఖాతాను పరిశీలించాలి. 1. PF పాస్‌బుక్ తనిఖీ చేయండి: యజమాని చెల్లింపులు పూర్తి చేసిన తర్వాత సెప్టెంబర్ నెలకు సంబంధించిన PF మొత్తం ఖాతాలో జమ అయిందో లేదో చూడాలి. 2. జీతం, PF వివరాలను పరిశీలించండి: మీ జీతానికి, వర్తించే PF నిబంధనలకు అనుగుణంగా చెల్లింపులు నమోదయ్యాయో లేదో తనిఖీ చేయాలి. 3. డబ్బు జమ కాకపోతే అడగండి: PF మొత్తం ఖాతాలో కనిపించకపోతే మీ సంస్థలోని పేరోల్ లేదా HR విభాగాన్ని సంప్రదించాలి.

యజమానులు గుర్తుంచుకోవాల్సిన విషయం

సంస్థలు సెప్టెంబర్ నెలకు సంబంధించిన ఎలక్ట్రానిక్ చలాన్ కమ్ రిటర్న్ (ECR) సమర్పించడంతో పాటు PF చెల్లింపులను కూడా అక్టోబర్ 31లోపు పూర్తి చేయాలి.

ఈపీఎఫ్ఓ అప్‌డేట్

ముఖ్యంగా గుర్తుంచుకోవాల్సింది ఏమిటంటే, ఉద్యోగులు ప్రత్యేకంగా PF రిటర్నులు సమర్పించాల్సిన అవసరం లేదు. ఆ బాధ్యత యజమానులదే. అయితే, తమ PF ఖాతాలో డబ్బు సక్రమంగా జమ అవుతోందో లేదో ఉద్యోగులు ఎప్పటికప్పుడు తనిఖీ చేసుకోవడం మంచిది.