The Paradise: ప్యారడైజ్ సినిమా నుండి కేసీఆర్ పాత్ర స్టిల్స్ విడుదల చేసిన ప్రియదర్శి

నాని

ది ప్యారడైజ్లో ప్రియదర్శి ఎమ్మెల్యే శంకర్ అలియాస్ శంకరన్న రావు పాత్రలో కనిపించారు. ఈ పాత్ర లుక్, తెలంగాణ యాస, మాట్లాడే విధానం, బాడీ లాంగ్వేజ్, రాజకీయ శైలి చూస్తే మాజీ ముఖ్యమంత్రి, బీఆర్ఎస్ అధినేత కేసీఆర్‌ను గుర్తు చేస్తోందని పలువురు ప్రేక్షకులు సోషల్ మీడియాలో చర్చిస్తున్నారు.

ప్రియదర్శి

ఇప్పుడు ఈ పాత్రకు సంబంధించిన కొన్ని స్టిల్స్‌ను ప్రియదర్శి సోషల్ మీడియాలో షేర్ చేశారు. ఈ స్టిల్స్‌లో ఆయన లుక్ చూసిన నెటిజన్లు కేసీఆర్ పోలికలను ప్రస్తావిస్తున్నారు. ముఖ్యంగా ఆయన హెయిర్ స్టైల్, దుస్తులు, మాట్లాడే తీరు, హావభావాలు కేసీఆర్‌ను గుర్తు చేస్తున్నాయని కామెంట్లు వస్తున్నాయి.

శంకరన్న రావు

అయితే సినిమాలోని ఈ పాత్రను నేరుగా కేసీఆర్ పాత్రగా చిత్రబృందం అధికారికంగా ప్రకటించలేదు. పాత్రకు కేసీఆర్‌కు పోలికలు ఉన్నాయనే చర్చ మాత్రం సినిమా విడుదల తర్వాత మరింత పెరిగింది.

శంకరన్న రావు

ది ప్యారడైజ్లో తెలంగాణ ప్రాంతం, అక్కడి భాష, ప్రజల జీవన విధానం, సామాజిక పరిస్థితులను దర్శకుడు కథలో భాగంగా చూపించినట్లు తెలుస్తోంది. ఈ నేపథ్యంలో ప్రియదర్శి పాత్ర కూడా ప్రేక్షకుల దృష్టిని ఆకర్షిస్తోంది. మరోవైపు బీఆర్ఎస్ వర్కింగ్ ప్రెసిడెంట్ కేటీఆర్ కూడా ది ప్యారడైజ్ సినిమాను హైదరాబాద్‌లోని థియేటర్‌లో వీక్షించారు. తెలంగాణ భూమి, భాష, సంస్కృతిని సినిమాలో చూపించిన విధానాన్ని ఆయన ప్రశంసించారు. అణగారిన వర్గాల పోరాటాన్ని సినిమా చూపించిందని ఆయన పేర్కొన్నారు.

ది ప్యారడైజ్ సినిమా

ప్రియదర్శి పోషించిన శంకరన్న పాత్రపై సోషల్ మీడియాలో వస్తున్న చర్చ సినిమా గురించి మరింత ఆసక్తిని పెంచుతోంది. నాని, ప్రియదర్శి కాంబినేషన్‌లో వచ్చిన సన్నివేశాలు కూడా ప్రేక్షకులను ఆకట్టుకుంటున్నాయి.మొత్తంగా ది ప్యారడైజ్ విడుదల తర్వాత ప్రియదర్శి పాత్ర ప్రత్యేకంగా చర్చకు రావడం సినిమాకు మరో ఆసక్తికరమైన అంశంగా మారింది. ఈ పాత్ర సినిమా కథలో ఎలాంటి ప్రాధాన్యత కలిగి ఉందో తెలుసుకోవాలంటే సినిమా చూడాల్సిందే.