Hyderabad: రాబోయే 8 నెలలు హైదరాబాద్‌లో నీటి సంక్షోభం.. నగర వాసులకు జలమండలి కీలక హెచ్చరిక..

Hyderabad water board key alert to people over water crisis: తెలంగాణలో ప్రస్తుతం ఎల్ నినో ప్రభావం స్పష్టంగా కన్పిస్తుంది. ఈ క్రమంలో ఇప్పటికే ఎల్ నినోపై అప్రమత్తంగా  ఉండాలని సీఎం రేవంత్ రెడ్డి ప్రజలకు, రైతన్నలకు సూచించారు. నీటిని పొదుపుగా ఉపయోగించుకొవాలని, సాగునీరు తక్కువగా అవసరం అయ్యే పంటలను పండించాలని కూడా ఇప్పటికే సూచించారు. ఈక్రమంలో అనవసరంగా నీటిని వృథా  చేయడం మానుకొవాలని స్పష్టం చేశారు.  దీనిలో భాగంగా సీఎం రేవంత్ రెడ్డి ప్రభుత్వం ఇప్పటికే పానీయాప్ ను సైతం లాంచ్ చేసింది. 

దీనిలో నీటిని వృథా చేసేవారిపై ఫిర్యాదులు చేయోచ్చని తెలిపింది. తెలంగాణ రాష్ట్రం తీవ్రమైన నీటి సంక్షోభం ఎదురుకుంటున్న నేపథ్యంలో.. పానీ యాప్ లాంచ్ చేయడం ఆసక్తికరంగామారింది. దీనిలో వాలంటీర్ లు చేరి నీరు వృథా చేసే వారిపై ఫిర్యాదు చేయవచ్చని, ఫిర్యాదులు చేసే వారి వివరాలు గోప్యంగా ఉంచుతామని అధికారులు తెలిపారు.  ఈ క్రమంలో హైదరాబాద్ మహ నగరంలో రాబోయే 8 నెలల పాటు నీటి కష్టాలు తప్పవని జలమండలి ఎండీ ఒక ప్రకటనలో తెలిపారు. మంజీరా, సింగూరు జలాశయాలు అడుగంటిపోయాయని తెలిపారు. రోజుకు 100 మిలియన్ గ్యాలన్ల (MGD) నీటి కొరత ఏర్పడనుందని అన్నారు. 

వచ్చే ఏడాది జనవరి నుంచి సెప్టెంబర్ వరకు దీని ప్రభావం ఉంటుందన్నారు. ప్రజలు తమ అవసరాలకు నీళ్లను జాగ్రత్తగా, పొదుపుగా ఉపయోగించుకొవాలన్నారు.  ప్రాజెక్టులలో నీటి మట్టాలు పడిపోవడం, భూగర్భ జలాలు తగ్గడంతో, ఇప్పటికే ఎల్ నినో ప్రభావం వల్ల ఈవిధమైన సమస్య తలెత్తిందన్నారు. దీనిపై ఇప్పటికే ప్రత్యామ్నాయ మార్గాలపై జలమండలి చర్యలు తీసుకుంటుందన్నారు.

 గోదావరి నుంచి 100 MGD, కృష్ణా నది నుంచి 10-15 MGD, ఉస్మాన్‌సాగర్ నుంచి మరో 5 MGD నీటిని హైదరాబాద్ మహానగరంకు వివిధ అవసరాల కోసం తరలించేందుకు ప్రణాళికలు సిద్దం చేసినట్లు తెలిపారు. ఈ నీటి సమస్య వల్ల ప్రజలు రాబోయే 8 నెలల పాటు ఇబ్బందులు ఎదుర్కొవాల్సి ఉంటుందన్నారు. అందుకే నీటిని ఇప్పటి నుంచి పొదుపుగా ఉఫయోగించుకొవాలని హైదరాబాద్ నగర వాసులకు జలమండలి ఎండీ పలు సూచనలు చేశారు. దీంతో నగర వాసులు సైతం ఎల్ నినోప్రభావంపై ఆందోళనలు వ్యక్తం చేస్తున్నారు.