‘జయంత్ అండ్ ది జింగో పెన్’ కథ చాలా బాగుంది.. థియేటర్ మొత్తం బుక్ చేస్తా: ఎమ్మెల్సీ శ్రీపాల్ రెడ్డి

Jayanth And The Jingo Pen: ప్రస్తుత విద్యా వ్యవస్థ తీరుతెన్నులు.. విద్యార్థులు ఎదుర్కొంటున్న సవాళ్లు, తల్లిదండ్రులు, గురువుల ప్రాముఖ్యతను ప్రతిబింబిస్తూ రూపొందిన లేటెస్ట్ మూవీ ‘జయంత్ అండ్ ది జింగో పెన్’. జాతీయ అవార్డు గ్రహీత నవీన్ దేశబోయిన ఈ సినిమాకు దర్శకత్వం వహించగా.. నమో జయం ప్రొడక్షన్స్ పతాకంపై దివ్య ప్రవీణ్ బొలిశెట్టి నిర్మించారు.  మాస్టర్ జయంత్ బొలిశెట్టి, మన శంకర వర ప్రసాద్ ఫేమ్ ఊహా రెడ్డి, సత్యం రాజేష్, ఆశిష్ గాంధీ, మానస రాధాకృష్ణన్, తనికెళ్ల భరణి, కాశీ విశ్వనాథ్, మానిక్ రెడ్డి, అశోక్ కుమార్, శ్రీకాంత్ రెడ్డి తదితరులు కీలక పాత్రలు పోషించారు. ఈ సినిమా ట్రైలర్ విడుదల కార్యక్రమం గ్రాండ్‌గా జరిగింది. బాలల దినోత్సవ కానుకగా నవంబర్ 12న ఈ చిత్రం థియేటర్లలో విడుదల కానుంది. చిన్నారులతో పాటు ఉపాధ్యాయులు, తల్లిదండ్రులు, కుటుంబ సభ్యులందరూ కలిసి సినిమాను చూడాలని మేకర్స్ కోరుతున్నారు.

ఈ వేడుకకు చీఫ్ గెస్ట్‌గా హాజరైన ఎమ్మెల్సీ శ్రీపాల్ రెడ్డి మాట్లాడుతూ.. ఈ సినిమా కథ చాలాబాగుందని చెప్పారు. హిందీలో వచ్చిన తారే జమీన్ పర్ సినిమా ఎంతటి విజయం సాధించిందో.. తెలుగులో ఈ మూవీ అంతటి ఘన విజయాన్ని సాధిస్తుందనే ఆశాభావాన్ని వ్యక్తం చేశారు. తాను ఉపాధ్యాయుడిగా పనిచేశానని.. పిల్లలు, తల్లిదండ్రులు, ఉపాధ్యాయులు ప్రతి ఒక్కరూ చూడాల్సిన సినిమా అన్నారు. మొదటి రోజే ప్రత్యేకంగా ఒక థియేటర్ హాల్ బుక్ చేసి.. ఉపాధ్యాయులు, విద్యార్థులతో కలిసి ఈ సినిమాను చూస్తానని ఆయన తెలిపారు.

ప్రవీణ్ బొలిశెట్టి మాట్లాడుతూ.. విద్యా వ్యవస్థలోని లోపాలను, విద్యార్థుల సమస్యలను ఎత్తిచూపేలా ఈ సినిమా ఉంటుందన్నారు. తల్లిదండ్రులు, గురువుల గొప్పదనాన్ని చాటే ఈ మూవీ.. ప్రతి ఒక్కరి హృదయాలను హత్తుకుంటుందన్నారు. ప్రతీ స్టూడెంట్, ప్రతీ పేరెంట్, ప్రతి టీచర్ చూడాల్సిన సినిమా అన్నారు. కేవలం మార్కుల ఆధారంగా కాకుండా.. విద్యార్థుల అంతరంగాన్ని అర్థం చేసుకోవాలనే సందేశాన్ని ప్రేమతో తెరపైకి తెచ్చామని ఈ సినిమా నిర్మాత దివ్య ప్రవీణ్ బొలిశెట్టి తెలిపారు.

దర్శకుడు నవీన్ దేశబోయిన మాట్లాడుతూ.. ఇలాంటి ఆలోచింపజేసే కళాత్మక సినిమాలు చాలా అరుదుగా వస్తాయని.. సమాజానికి మంచిని చేరవేసే ఈ సినిమాను ప్రేక్షకులు ఆదరించాలని కోరారు. పిల్లలు, పేరెంట్స్, టీచర్స్ కలిసి ఈ మూవీని చూడాలన్నారు. ఈ సినిమా ‘తారే జమీన్ పర్’ కంటే మరింత భావోద్వేగభరితంగా అలరిస్తుందని నటుడు ఆశిష్ గాంధీ ప్రశంసించారు. మాస్టర్ జయంత్ నటన ఎంతో సహజంగా, అద్భుతంగా ఉందని నటుడు సత్యం రాజేష్ కొనియాడారు. 

టెక్నీకల్ టీమ్:

• బ్యానర్: నమో జయం ప్రొడక్షన్స్
• నిర్మాత: దివ్య ప్రవీణ్ బొలిశెట్టి
• దర్శకత్వం: నవీన్ దేశబోయిన
• సినిమాటోగ్రఫీ: ఐ ఆండ్రూ బాబు
• సంగీతం: మోహిత్ కులకర్ణి
• సాహిత్యం, బాణీలు: ప్రవీణ్ బొలిశెట్టి
• కూర్పు: నందమూరి హరి, తారక రామారావు
• కళా దర్శకత్వం: టి. నాని
• ప్రొడక్షన్ కంట్రోలర్: తాజ్ బాషా
• PRO: సాయి సతీష్
• డిజిటల్ ప్రమోషన్స్: ఇషాన్వి మీడియా, స్టార్ సర్కిల్
•