Monsoon Rains: ద్రపు నీరు సంవత్సరం పొడవునా ఆవిరవుతూనే ఉంటుంది. కానీ వర్షాలు మాత్రం జూన్ నుండి సెప్టెంబర్ వరకు నాలుగు నెలలే పడతాయి. మిగతా ఎనిమిది నెలలు వర్షాలు ఎందుకు కురవవు? నిజానికి సూర్యుడి వేడికి సముద్రపు నీరు ప్రతిరోజూ ఆవిరవుతుంది. అయితే కేవలం నీటి ఆవిరి ఉన్నంత మాత్రాన వర్షం పడదు. ఆ ఆవిరిని భూమి వైపు నడిపించే ఒక శక్తి అవసరం.
భూమిపై అల్పపీడనం.. సముద్రంపై అధిక పీడనం:
ఏప్రిల్, మే నెలల్లో భూమి వంపు వల్ల సూర్యకిరణాలు భారతదేశంపై నిట్టనిలువుగా పడతాయి. దాంతో నేల ఒక కొలిమిలా మారి విపరీతంగా వేడెక్కుతుంది. ఆ వేడికి భూమిపై ఉన్న గాలి తేలికై పైకి లేచిపోతుంది. దీనివల్ల నేలపై గాలి తగ్గిపోయి ఒక భారీ అల్పపీడనం (వాక్యూమ్) ఏర్పడుతుంది.
అదే సమయంలో నేలతో పోలిస్తే హిందూ మహాసముద్రం చల్లగా ఉంటుంది. దానివల్ల సముద్రం పైన గాలి బరువుగా ఉండి అధిక పీడనం ఏర్పడుతుంది. ప్రకృతి నియమం ప్రకారం గాలి ఎప్పుడూ అధిక పీడనం నుండి అల్పపీడనం వైపు వేగంగా వీస్తుంది. దాంతో సముద్రం మీదున్న తేమ గాలులన్నీ ఒక్కసారిగా దేశం వైపు దూసుకొస్తాయి. వీటినే 'నైరుతి ఋతుపవనాలు' అంటారు.
పర్వతాల అడ్డుగోడ.. కుండపోత వర్షాలు:
సముద్రం నుంచి వచ్చిన ఈ బరువైన మేఘాలను పశ్చిమ కనుమలు, హిమాలయ పర్వతాలు అడ్డుకుంటాయి. దాంతో ఆ మేఘాలు మరింత పైకి లేచి చల్లబడి జూన్ నుండి సెప్టెంబర్ వరకు కుండపోత వర్షాలుగా కురుస్తాయి.
చలికాలంలో రివర్స్ సీన్:
శీతాకాలంలో సముద్రం కంటే నేలే త్వరగా చల్లబడిపోతుంది. అప్పుడు పరిస్థితి తలకిందులై, గాలులు నేల నుండి సముద్రం వైపు వీస్తాయి. నేల మీద నుండి వీచే ఈ గాలుల్లో నీటి ఆవిరి ఉండదు. తేమ లేని ఈ పొడి గాలుల వల్ల ఆకాశంలో వర్షపు మేఘాలు ఏర్పడవు. అందుకే మిగతా కాలాల్లో వర్షాలు పడవు.
ఎండాకాలంలో నేల ఎంత గట్టిగా కాలితే, వర్షాకాలంలో అంత సమృద్ధిగా నీటిని మోసుకొస్తుంది. ఇది ప్రకృతి రూపొందించిన అద్భుతమైన వాతావరణ ఇంజిన్.
Also Read:
 "వర్షాలు వర్షాకాలంలోనే ఎందుకు పడతాయి ? దీని వెనుక ఉన్న వాతావరణ రహస్యాలు మీకోసం..!!")
)