Srikalahasti: ఏపీలో అమానవీయం.. అప్పు చెల్లించలేదని 6 నెలల పసికందు కిడ్నాప్.. అసలు స్టోరీ ఇదే..

Six months old baby and mother kidnapped in srikalahasti: ఇటీవల మానవ సంబంధాలు పూర్తిగా అభాసుపాలైన ఘటనలు నిత్యం వార్తలలో ఉంటున్నాయి. డబ్బుల కోసం ఎంతటి దారుణాలకైన తెగబడుతున్నారు. కన్నవాళ్లు, కట్టుకున్న వాళ్లు ఎవర్ని కూడా వదలడంలేదు. నిత్యం హత్యలు లేదా ఆత్మహత్యలకు చెందిన ఘటనలు వార్తలలో ఉంటున్నాయి. కొంత మంది సుపారీలు ఇచ్చి మరీ కట్టుకున్న వారిని కాటికి పంపిన ఘటనలు కూడా వార్తలలో ఉంటున్నాయి. ఈ క్రమంలో ఏపీలోని తిరుపతి జిల్లాలోని శ్రీకాళ హస్తిలో అమాన వీయకర ఘటన వెలుగులోకి వచ్చింది. 

శ్రీకాళహస్తిలో సభ్య సమాజం తలదించుకునే ఘటన అప్పు తీర్చలేదని ఇంట్లోకి చొరబడి 6 నెలల పసికందును ఎత్తుకెళ్లిన వైనం అప్పు వసూలు కోసం పసిబిడ్డను తీసుకెళ్లారంటూ పోలీసులకు కుటుంబ సభ్యులు ఫిర్యాదు మేరకు రంగంలోకి దిగిన పోలీసులు తిరుపతి జిల్లా తొట్టంబేడు మండలం శివనాథపాలెంలో కలకలం ఆది, మేఘమాల దంపతులు సుమారు ఏడు నెలల క్రితం శ్రీకాళహస్తి మున్సిపల్ కార్యాలయం ఎదురుగా నివాసం ఉంటున్న వెంకటగిరి మునెమ్మ, ప్రసాద్, మోహన్ కుటుంబ సభ్యుల వద్ద రూ.1,50,000ను ఐదు రూపాయల వడ్డీకి అప్పుగా తీసుకున్నట్లు సమాచారం. తీసుకున్న అప్పుకు సంబంధించి అసలు, వడ్డీ చెల్లించలేదన్న కారణంతో అప్పు ఇచ్చిన వారు శివనాథపాలెంలోని ఆది, మేఘమాల ఇంటికి వెళ్లి, ఇంట్లో ఉన్న ఆరు నెలల పసికందును తీసుకెళ్లిన వడ్డీ వ్యాపారులు. డయల్ 100కు ఫిర్యాదు చేశారు

— Telugu Feed (@Telugufeedsite) November 14, 2026

తిరుపతి జిల్లా తొట్టంబేడు మండలం శివనాథపాలెంలో ఈ దారుణం చోటు చేసుకుంది. స్థానికంగా ఉండే ఆది, మేఘమాల దంపతులు సుమారు ఏడు నెలల క్రితం శ్రీకాళహస్తి మున్సిపల్ కార్యాలయం ఎదురుగా నివాసం ఉంటున్న వెంకటగిరి మునెమ్మ, ప్రసాద్, మోహన్ కుటుంబ సభ్యుల వద్ద రూ.1,50,000ను ఐదు రూపాయల వడ్డీకి అప్పుగా తీసుకున్నారు. అయితే.. అప్పటి నుంచి తీసుకున్న అప్పుకు సంబంధించి అసలు, వడ్డీ చెల్లించకుండా ఉండిపోయారు. 

ఎన్నిసార్లు చెప్పిన కూడా వీరి తీరు మారలేదు. దీంతో  విసిగిపోయిన వడ్డీ వ్యాపారులు శివనాథపాలెంలోని ఆది, మేఘమాల ఇంటికి వెళ్లి, ఇంట్లో ఉన్న ఆరు నెలల పసికందుతో పాటు తల్లిని కూడా బలవంతంగా తీసుకెళ్లిపోయారు. తల్లిదండ్రులు ఎంతగా ప్రాధేయపడ్డ కూడా వదల్లేదు. దీంతో తల్లిదండ్రులు డయల్ 100కు ఫిర్యాదు చేశారు. ఆతర్వాత వడ్డీ వ్యాపారులు కొన్ని గంటల హైడ్రామా తర్వాత మరల మహిళలను, ఆమె పసికందును పీఎస్ వద్దకు తీసుకొచ్చి వదిలేశారు. ఈ ఘటనపై  బాధితురాలి ఫిర్యాదు మేరకు పోలీసులు కేసు నమోదు చేసుకుని విచారణ చేపట్టారు.