Tragedy Accident: విజయవాడలో ఘోర ప్రమాదం.. బైపాస్‌ రోడ్డులో ఈవీ కారు దగ్ధమై నలుగురు మృతి
Vijayawada Bypass Tragedy Accident Four Spot Dead: విజయవాడలో ఘోర ప్రమాదం సంభవించింది. ప్రమాదవశాత్తు బైపాస్‌ రోడ్డులో రెయిలింగ్‌ను ఎలక్ట్రిక్‌ కారు ఢీకొట్టింది. దీంతో వెంటనే మంటలు చెలరేగి కారు దగ్ధమైంది. ఈ ప్రమాదంలో నలుగురు మృతి చెందారు. ఈ సంఘటనకు సంబంధించి వివరాలు ఇలా ఉన్నాయి.
Vijayawada Bypass Accident: రోడ్డుపై ప్రయాణం చేస్తున్న కారు ప్రమాదవశాత్తు రెయిలింగ్‌ను ఢీకొట్టింది. ఢీకొట్టిన అనంతరం వెంటనే మంటలు చెలరేగిపోవడంతో కారులోని ప్రయాణికులు అందులోనే చిక్కుకుపోయారు. మంటల్లో చిక్కుకుని నలుగురు మృత్యువాత పడ్డారు. ఈ సంఘటన విజయవాడ బైపాస్‌పై చోటుచేసుకుంది. ఈ ప్రమాదంలో మృతిచెందినవారంతా ఒకే కుటుంబానికి చెందినవారుగా తెలుస్తోంది. ఈ ఘటనకు సంబంధించిన విషయాలు ఇలా ఉన్నాయి.
ఎన్టీఆర్ జిల్లా విజయవాడ వెస్ట్ బైపాస్‌ రోడ్డులో విండ్సర్‌ ఎలక్ట్రిక్‌ కారు సోమవారం సాయంత్రం హైదరాబాద్‌ వెళ్తోంది. డివైడర్‌ను ఢీకొని కారు పూర్తిగా కాలిపోయింది. పెద్ద ఎత్తున మంటలు చెలరేగడంతో కారులోని నలుగురు సజీవదహనమయ్యారు. ఈ ప్రమాదంలో తీవ్రంగా గాయపడిన మరో వ్యక్తిని స్థానికులు, భద్రతా సిబ్బంది వెంటనే ఆస్పత్రికి తరలించారు. అయితే అతడి పరిస్థితి విషమంగా ఉందని తెలుస్తోంది. మృతులు నున్న, నంబూరు వాసులుగా గుర్తించారు.
మృతుల్లో నున్నకు చెందిన కొమ్మారెడ్డి రాందేవ్ (39), ఆయన తల్లి అరుణ, మృతుల్లో మరో చిన్నారితో పాటు నంబూరుకు చెందిన తిగురు విజయ ఉన్నారని తెలుస్తోంది. నంబూరులో జరిగిన శుభకార్యానికి వెళ్లి తిరిగి ప్రయాణం చేస్తుండగా ఈ ఘోర ప్రమాదం సంభవించింది. ఈ ప్రమాద వార్త తెలుసుకున్ని బాధిత కుటుంబసభ్యులు, బంధుమిత్రులు ఘటనా స్థలానికి చేరుకుని కన్నీరుమున్నీరుగా విలపిస్తున్నారు.
