హైదరాబాద్ నడిబొడ్డున మరో ఐమాక్స్ స్క్రీన్.. వెంకీ, మహేష్‌ల AMB విక్టరీ..

AMB Victory: గత కొంత కాలంగా హీరోలు థియేటర్స్ బిజినెస్ వైపు మొగ్గు చూపుతున్నారు. ఇలా కథానాయకులు ఈ రంగంలో అడుగుపెట్టడం కొత్తేమి కాదు. గతంలో ఎన్టీఆర్  హైదరాబాద్‌లో రామకృష్ణ, తారకరామా థియేటర్స్‌తో ఎపుడో ఈ బిజినెస్‌లో అడుగుపెట్టారు. ఆ తర్వాత మహేష్ బాబు AMB, రవితేజ ART, విజయ్ దేవరకొండ  AVD, అల్లు అర్జున్ కు AAA వంటి మల్టీప్లెక్స్ థియేటర్స్ బిజినెస్‌లో దూసుకుపోతున్నారు. తాజాగా మహేష్ బాబు, సీనియర్  హీరో వెంకటేష్ ఇద్దరు కలిసి ‘AMB’విక్టరీ పేరుతో కొత్త మల్టీప్లెక్స్‌తో రాబోతున్నారు. హైదరాబాద్ నగరం నడిబొడ్డున ఆర్టీసీ క్రాస్ రోడ్‌లో సుదర్శన్ 70 ఎంఎం థియేటర్ ఉన్న ప్లేస్‌లో ఈ మల్టీప్లెక్స్‌ కమ్ ఐమాక్స్ స్క్రీన్స్  రాబోతుంది. ఇందులో ఐమాక్స్ స్క్రీన్ కూడా ఉండనుంది. AMB విక్టరీ,  UFO సినీ మీడియా నెట్‌వర్క్‌లో భాగంగా ఈ మల్టీప్లెక్స్‌తో పాటు ఐమాక్స్ స్క్రీన్ త్వరలో రాబోతుంది.

AMB  Victory

ఈ స్క్రీన్  ప్రీమియం సినిమా థియేటర్లలో ఒకటైన AMB విక్టరీ, అత్యాధునిక సాంకేతికతతో కూడిన 7 స్క్రీన్ల మల్టీప్లెక్స్‌ను కలిగి ఉంది. ఇందులో ఒక IMAX స్క్రీన్ కూడా ఉండటం విశేషం.ఈ థియేటర్‌లోని స్క్రీన్లకు అత్యాధునిక 4K RGB లేజర్ ప్రొజెక్షన్ టెక్నాలజీతో ఈ స్క్రీన్ ఉండనుంది.  ఈ సాంకేతికత ప్రేక్షకులకు అత్యుత్తమ పిక్చర్ క్వాలిటీతో పాటు  అద్భుతమైన సినిమా అనుభూతిని అందిస్తుంది.

AMB Vicotry UFO నెట్‌వర్క్‌ భాగస్వామ్యం ప్రేక్షకులకు సరికొత్త అనుభూతిని ఇవ్వనుంది. ఈ స్క్రీన్స్‌తో ప్రపంచ స్థాయి సినిమా సాంకేతిక పరిజ్ఞానం సేవలను అందించనుంది.

AMB సినిమాస్‌తో ఈ భాగస్వామ్యం విజయవంతంగా, దీర్ఘకాలం కొనసాగాలని, ప్రేక్షకులకు మరింత అద్భుతమైన సినిమా అనుభూతులను అందించాలని UFO కోరుకుంటోంది. మొత్తంగా సునీల్ నారంగ్, భరత్ నారంగ్, జ్యేష్ఠ్ నారంగ్, UFO, వెంకటేష్, సురేష్ బాబు, మహేష్ బాబుల భాగస్వామ్యంలో నిర్మితమవుతోంది.  ఇందులో మహేష్ బాబు, రాజమౌళిల ‘వారణాసి’ సినిమా ఐమాక్స్ ఫార్మాట్‌లో ప్రదర్శించనున్నారు.