ప్రముఖ ఓటీటీలో ‘ఇట్స్ ఎ మెడికల్ మిరాకిల్’ ట్రెండింగ్.. ఫస్ట్ వీక్‌లోనే అద్భుతమైన రెస్పాన్స్..

Manorama Max: థియేటర్స్‌లో సూపర్ హిట్టైన  షరాఫుద్దీన్, సంగీత్ ప్రతాప్ నటించిన  ‘ఇట్స్ ఎ మెడికల్ మిరాకిల్’ చిత్రం మనోరమా మాక్స్‌లో స్ట్రీమింగ్ అవుతుంది. అక్కడ ఈ చిత్రం మంచి రెస్పాన్స్‌తో నెంబర్ వన్ ట్రెండింగ్‌లో దూసుకుపోతుంది.  ఈ కామెడీ థ్రిల్లర్ ఓటిటి స్ట్రీమింగ్ విడుదలైన మొదటి వారంలోనే 15 మిలియన్ల నిమిషాలకు పైగా వాచ్ టైమ్‌ను నమోదు చేసి సంచలనం రేపింది. ప్రస్తుతం ఈ సినిమా మలయాళం, తమిళం, తెలుగు, కన్నడ సహా నాలుగు భాషల్లో  మనోరమా మాక్స్‌లో స్ట్రీమింగ్ అవుతుతుంది.  కొత్త దర్శకుడు శ్యామిన్ గిరీష్ డైరెక్ట్ చేసిన వహించిన ఈ చిత్రం ఇప్పటి వరకు రాని ఒక వినూత్నమైన కథాంశాన్ని హాస్యాన్ని జోడించడంతో పాటు అద్భుతమైన  ఊహించని ట్విస్టులతో  ఆద్యంతం ఆసక్తి రేకిత్తించేలా ఉంది.  

‘ప్రేమలు’ చిత్రంలో అమల్ డేవిస్‌గా, ‘బెత్లహేమ్ కుటుంబ యూనిట్’లో జోయెల్‌గా గుర్తింపు తెచ్చుకున్న సంగీత్ ప్రతాప్ ఈ చిత్రంలో ఫస్ట్ టైమ్ హీరోగా లీడ్ రోల్‌లో యాక్ట్ చేశారు. షరాఫుద్దీన్ ఒక కీలక పాత్రలో మెరిశారు. కోమాలో నుంచి అద్భుతంగా కోలుకుని, దూరం నుంచి వచ్చే శబ్దాలు, సంభాషణలను వినే అసాధారణ శక్తిని పొందిన రూబిన్ (సంగీత్ ప్రతాప్) చుట్టూ ఈ కథ తిరుగుతుంది. సూరజ్ (షరాఫుద్దీన్) అనే స్నేహపూర్వక పోలీసు అధికారిని కలవడం వల్ల జరిగే ఊహించని పరిణామాలు ఈ చిత్రంలో కామెడీ, సస్పెన్స్‌ను జోడించేలా ఉన్నాయి. ఈ చిత్రంలో షరాఫుద్దీన్, సంగీత్ ప్రతాప్‌లతో పాటు అఖిల భార్గవన్, పార్వతి ఆర్. కృష్ణ, కోట్టాయం నసీర్, ఆనంద్ మన్మధన్, కిరణ్ పీతాంబరన్ తదితరులు ముఖ్య పాత్రల్లో యాక్ట్ చేశారు. ప్రత్యేకమైన కథాంశం, హాస్య భరితమైన క్షణాలు, ఒక అసాధారణ శక్తి చుట్టూ తిరిగే ఈ చిత్రం ప్రేక్షకులకు ఒక సరికొత్త  అనుభూతిని ఇవ్వడం పక్కా అని చెప్పొచ్చు.

‘కరిక్కు’ ఫేమ్ నీలీన్ సంద్ర ఈ చిత్రానికి స్క్రీన్ ప్లే, సంభాషణలు అందించారు. డా. పాల్స్ ఎంటర్‌టైన్‌మెంట్, డ్రీమ్ బిగ్ ఫిలిప్స్ బ్యానర్ పై  డాక్టర్ పాల్ వర్గీస్, సుజిత్ జే నాయర్ ఈ చిత్రాన్ని నిర్మించారు. అఖిల్ జేవియర్ సినిమాటోగ్రఫీ అందించారు. రాకేష్ చెరుమడం ఎడిటర్‌గా వ్యవహరించారు. ముజీబ్ మజీద్ సంగీతం అందించారు. నిక్సన్ జార్జ్ సౌండ్ డిజైనర్‌గా పనిచేశారు.మనోరమా మాక్స్ ఓటీటీ విషయానికొస్తే.. ఈ ఓటీటీలో  500కి పైగా బ్లాక్‌బస్టర్ సినిమాలు, 20,000 గంటలకు పైగా కంటెంట్‌తో ప్రేక్షకులను అలరిస్తోంది.