Actress: ఫ్యాన్స్‌కు డబుల్ గుడ్ న్యూస్.. మరోసారి తల్లి కాబోతున్న స్టార్ హీరోయిన్..!

Kiara Advani Pregnant Again: కియారా అద్వానీ, సిద్ధార్థ్ మల్హోతా 2023లో పెళ్లి చేసుకున్నారు. వీరి ప్రేమకు ‘షేర్షా’ సినిమా సమయంలోనే బీజం పడిందని అప్పట్లో వార్తలు వచ్చాయి. కొంతకాలం తమ ప్రేమ విషయాన్ని బయటకు చెప్పకుండా ఉన్న ఈ జంట చివరకు పెళ్లితో ఒక్కటయ్యారు. జైసల్మేర్‌లోని సూర్యగఢ్ ప్యాలెస్‌లో వీరి వివాహం ఘనంగా జరిగింది. 2025 జూలైలో కియారా, సిద్ధార్థ్ దంపతులకు మొదటి సంతానం జన్మించింది. వీరికి పాప పుట్టింది. ఆ పాపకు సారాయా అనే పేరు పెట్టారు. అప్పటి నుంచి కియారా తన మాతృత్వాన్ని ఎంతో ఆస్వాదిస్తోంది.

ఇప్పుడు మరోసారి తల్లి కాబోతున్న విషయాన్ని కియారా అభిమానులతో పంచుకుంది. సోషల్ మీడియాలో ఆమె షేర్ చేసిన ఫొటో అందరి దృష్టిని ఆకర్షించింది. ఆ ఫొటోలో వారి కుమార్తె సారాయా తన చిన్న చేతిలో తెల్లటి సాక్స్ పట్టుకుని కనిపించింది. పాప చేతికి సిద్ధార్థ్, కియారా చేతులు అండగా ఉన్నాయి.

ఈ ఫొటోతో పాటు కియారా ఎంతో ఆనందంగా తమ కుటుంబంలోకి మరో చిన్నారి రాబోతున్న విషయాన్ని తెలిపింది. ఈ వార్త బయటకు వచ్చిన వెంటనే అభిమానుల నుంచి పెద్ద ఎత్తున శుభాకాంక్షలు వచ్చాయి. సినీ పరిశ్రమకు చెందిన పలువురు కూడా ఈ జంటకు అభినందనలు తెలిపారు.

తల్లి అయిన తర్వాత తనలో చాలా మార్పు వచ్చిందని కియారా గతంలో ఓ ఇంటర్వ్యూలో చెప్పింది. తల్లి కాకముందు ఉన్న వ్యక్తి కంటే ఇప్పుడు తాను పూర్తిగా భిన్నంగా ఉన్నానని తెలిపింది. మాతృత్వం తనకు కొత్త బలాన్ని ఇచ్చిందని కూడా చెప్పింది.

ప్రస్తుతం కియారా సినిమాలతో కూడా బిజీగా ఉంది. యశ్ హీరోగా నటిస్తున్న ‘టాక్సిక్’ సినిమాలో ఆమె కీలక పాత్రలో కనిపించనుంది. ఇప్పుడు రెండోసారి తల్లి కాబోతున్న వార్తతో కియారా వ్యక్తిగత జీవితం మరోసారి వార్తల్లో నిలిచింది. అభిమానులు మాత్రం ఈ స్టార్ దంపతులకు ముందుగానే శుభాకాంక్షలు చెబుతున్నారు.

Read More: Archana Gautam Cafe Theft: బిగ్ బాస్ ఫెమ్ అర్చనా గౌతమ్ కేఫ్ లో భారీ చోరీ.. వీడియో రిలీజ్ చేసిన నటి.!.