Rakul Preet Singh: ఎవ్వరూ నాకు ప్రాపర్టీలు ఇవ్వలేదు.. 20 ఏళ్ల నుంచి అదే చేస్తున్న : రకుల్ ప్రీత్ సింగ్
Rakul Preet Singh: రకుల్ ప్రీత్ సింగ్ టాలీవుడ్‌తో పాటు బాలీవుడ్‌లో కూడా మంచి గుర్తింపు తెచ్చుకున్న హీరోయిన్. ఎన్నో సినిమాల్లో నటించి తనకంటూ ప్రత్యేకమైన గుర్తింపు సంపాదించుకుంది. అయితే కెరీర్‌లో సినిమాలతో పాటు కొన్ని వివాదాలు, ఆరోపణలు కూడా ఆమె పేరు చుట్టూ కనిపిస్తూనే ఉన్నాయి. ఏదైనా వార్తలో తన పేరు రావడం, ఆ తర్వాత రకుల్ స్వయంగా క్లారిటీ ఇవ్వడం తరచూ జరుగుతోంది. తాజాగా మరోసారి ఇలాంటి పరిస్థితే ఎదురైంది.
Rakul Preet Singh: ఇటీవల జరిగిన ఇన్‌కమ్ ట్యాక్స్ సెర్చ్‌కు రకుల్ ప్రీత్ సింగ్‌కు సంబంధం ఉందంటూ కొన్ని వార్తలు సోషల్ మీడియాలో, కొన్ని మీడియా కథనాల్లో ప్రచారం అయ్యాయి. ఈ వార్తల్లో విదేశాలకు అక్రమంగా డబ్బు పంపడం, బినామీ ఆస్తులకు సంబంధించిన ఆరోపణలు కూడా ప్రస్తావనకు వచ్చాయి. అయితే ఈ విషయాలతో తనకు ఎలాంటి సంబంధం లేదని రకుల్ స్పష్టం చేసింది.
తన పేరు మీద వస్తున్న వార్తలపై ఆమె సోషల్ మీడియా ద్వారా తీవ్రంగా స్పందించింది. నిజాలను పూర్తిగా నిర్ధారించుకోకుండా వార్తలను సంచలనంగా మార్చడం బాధాకరమని చెప్పింది.
“వాస్తవాలను నిర్ధారించుకోకుండా వార్తలను సంచలనాత్మకంగా ప్రచారం చేసే స్వయం ప్రకటిత ఆన్‌లైన్ రిపోర్టర్లు, కొంతమంది ప్రధాన స్రవంతి మీడియా జర్నలిస్టుల సంఖ్య పెరుగుతుండటం నిజంగా బాధ కలిగిస్తోంది,” అంటూ రకుల్ తన ఆవేదన వ్యక్తం చేసింది.
తనపై జరిగిన సెర్చ్ కాదని, తాను ఎలాంటి అక్రమ విదేశీ నగదు బదిలీలకు పాల్పడలేదని ఆమె స్పష్టం చేసింది. అలాగే తనకు ఎక్కడా బినామీ ఆస్తులు లేవని కూడా చెప్పింది. చిన్న వయసు నుంచే బాధ్యతగల పౌరురాలిగా పన్నులు చెల్లిస్తున్నానని ఆమె పేర్కొంది.
ఇలాంటి వార్తల వల్ల తన ప్రతిష్ఠ, కెరీర్‌పై ప్రభావం పడే అవకాశం ఉందని రకుల్ ఆందోళన వ్యక్తం చేసింది. నిజాలను నిర్ధారించకుండా వార్తలు ప్రచురించిన వారు వాటిని వెనక్కి తీసుకుని వాస్తవాలను వెల్లడించాలని కోరింది.
ఇది రకుల్ పేరు వివాదంలోకి రావడం ఇదే మొదటిసారి కాదు. గతంలో కూడా ఆమె పేరు పలు వివాదాల్లో వినిపించింది. కొన్ని సందర్భాల్లో ఆమె కుటుంబ సభ్యులు, ముఖ్యంగా ఆమె సోదరుడికి సంబంధించిన ఆరోపణలు కూడా వార్తల్లో నిలిచాయి. అప్పుడు కూడా రకుల్ లేదా ఆమె కుటుంబం నుంచి వివరణలు వచ్చాయి.
దీంతో రకుల్ కెరీర్‌లో ఒక విచిత్రమైన పరిస్థితి కనిపిస్తోంది. సినిమాల కంటే తనపై వచ్చే వార్తలకు క్లారిటీ ఇవ్వాల్సిన సందర్భాలు ఎక్కువగా కనిపిస్తున్నాయనే అభిప్రాయం కూడా ఉంది. అయితే ఏ ఆరోపణ అయినా నిరూపితం అయ్యే వరకు దాన్ని నిజంగా భావించకూడదు.
రకుల్ మాత్రం తన పని తాను చేసుకుంటూ సినిమాల్లో కొనసాగుతోంది. అయితే సోషల్ మీడియా కాలంలో ఒక్క తప్పుడు వార్త కూడా చాలా వేగంగా వైరల్ అవుతున్న నేపథ్యంలో, తన పేరును వివాదాలకు దూరంగా ఉంచుకోవడం ఆమెకు ఇప్పుడు మరింత ముఖ్యంగా మారింది.
Read More: Janhvi Kapoor: టాలీవుడ్‌లోకి అనవసరంగా వచ్చిన జాన్వీ కపూర్.. వరుస వివాదాలతో పెరుగుతున్న డ్యామేజ్!
Read More: ఎంటర్ ది ‘డ్రాగన్’ .. మళ్లీ షూటింగ్‌ కోసం రెడీ అవుతున్న ఎన్టీఆర్.. ?
