Supreme Court: పిల్లలకు ఇంటర్నెట్ యాక్సెస్.. సుప్రీంకోర్టు ధర్మాసనం ఏంచెప్పిందంటే..?

Supreme court on internet usage for children: ఇటీవల స్మార్ట్ ఫోన్ లో వాడకం విపరీతంగా పెరిగిపోయింది. చేతిలో ఉండే చిన్న స్మార్ట్ ఫోన్ ఉంటే ప్రపంచం మొత్తం మన చేతిలో ఉన్నట్లే. ఎక్కడ ఎలాంటి మార్పులు, ఘటనలు జరిగిన వివిధ మాధ్యమాల ద్వారా సెకన్లతో తెలుసుకొవచ్చు. మొబైల్ నెట్ వర్క్ లు సైతం తక్కువ ధరకే ఇంటర్నేట్ సదుపాయాలను కల్పిచడంలో చిన్న పిల్లల నుంచి పెద్ద వారి వరకు తమ అరచేతిలో ప్రపంచంలో ఏంజరుగుతుందో ఇట్టే తెలుసుకుంటున్నారు. అయితే.. కొన్ని సార్లు ఇంటర్నేట్ వాడకం అనేది చెడు మార్గంలో వెళ్తుందని ఫిర్యాదులు కూడా తరచుగా వస్తున్నాయి. ఆన్ లైన్ లో మోసాలు, అశ్లీల వెబ్ సైట్ ల బారిన కొంత మంది పడుతున్నారు. 

కొంత మంది చిన్నారులు ఇలాంటి వాటి బారిన పడుతున్న ఘటనలు వెలుగులోకి వస్తున్నాయి. ఈ క్రమంలో చిన్న పిల్లలు ఇంటర్నేట్ వాడకంపై సుప్రీంకోర్టులో ఇటీవల ఒక పిటిషన్ విచారణకు వచ్చింది. దీనిపై  జస్టిస్‌ జేబీ పార్దివాలా, జస్టిస్‌ కే వినోద్‌ చంద్రన్‌లతో కూడిన ధర్మాసనం కీలక వ్యాఖ్యలు చేసింది. పిల్లలకు ఇంటర్నేట్ అనేది రాజ్యంగం కల్పించిన ఆర్టికల్‌ 21, ఆర్టికల్‌ 19(1)(a) కింద ప్రాథమిక హక్కుగా అభివర్ణించింది. పిల్లలకు భద్రత పేరుతో నెట్ కు దూరంచేయడం సరికాదని స్పష్టం చేసింది.

ఇంటర్నెట్‌ తో ప్రపంచంలో ఏంజరుగుతున్న, ఎలాంటి సమాచారం అయిన మారుమూల ప్రాంతాల్లో ఉండి తెలుసుకొవచ్చాన్నారు. చదువు, విద్య, ఉద్యోగం, ఇతర సమాచారాల మార్పిడికి ఇంటర్నేట్ ఎంతో ఉపయోగపడుతుందని తెల్చి చెప్పింది. పిల్లల రక్షణతో పాటు వారి స్వేచ్ఛను కాపాడాల్సిన బాధ్యత ఉందని తెలిపింది. అయితే ఇటీవల కొన్ని ఘటనల నేపథ్యంలో.. పిల్లలను నెట్ కు పూర్తిగా దూరం చేయడం సరికాదని చెప్పుకొచ్చింది. 

ఒకవేళ ఇంట్లోని పెద్దలు పిల్లలకే నెట్ వాడటంపై నిషేధం విధిస్తే..  పిల్లలు ఇంట్లో వారికి చెప్పకుండా నెట్ ను ఉపయోగించే ప్రమాదం ఉందని, అలాంటి తరుణంలో చేయిదాటిపోయే ప్రమాదం ఉందని ఆందోళన వ్యక్తం చేసింది. 

పిల్లలకు ఇంటర్నేట్  యాక్సెస్ ఇస్తునే వారికి అర్థమయ్యేలా మార్గనిర్దేషం చేయాలని, వారిని  ఒక కంట కనిపెట్టి ఉండాలని సూచించింది. పిల్లలకు అవసరంలేని వాటిని ముందుగానే గుర్తించి ప్రైవేట్ లో పెట్టడంలాంటి పనులు చేయడం వంటివి చేయోచ్చని సుప్రీంకోర్టు అభిప్రాయపడింది. దీనిపైన కేంద్రం ఇంకా అనేక నిర్మాణాత్మక చర్యలు తీసుకొవాల్సిన అవసరం  ఉందని సుప్రీంకోర్టు ధర్మాసనం అభిప్రాయపడింది.