ఇంటి నుంచే పాన్ కార్డ్.. ఆన్‌లైన్‌లో 10 నిమిషాల్లో అప్లై చేయండిలా..! సులభమైన ప్రాసెస్ ఇదే!

How to Apply for a PAN Card: పాన్‌కార్డు కూడా ప్రతిఒక్కరూ కలిగి ఉండాల్సిందే. ఆర్థిక లావాదేవీలకు ఇది కచ్చితం. అయితే, వ్యాపారులు, ఉద్యోగులు లేదా బ్యాంక్‌ ఖాతా కావాలన్నా పాన్‌ కార్డు కావాల్సిందే. స్టాక్‌ మార్కెట్‌లో పెట్టుబడి పెట్టినా, ఏవైనా స్థిరాస్తులు విక్రయాలకు కూడా పాన్‌ కార్డు తప్పనిసరి. సాధారణంగా ఈ పాన్‌ కార్డు ఆదాయపు పన్ను శాఖ వారు ప్రతి ఒక్కరికీ జారీ చేస్తారు. ఇందులో మొత్తం 10 లెట్టర్స్‌, అల్ఫాన్యూమరికల్‌ క్యారెక్టర్స్‌ ఉంటాయి. పాన్‌ కార్డు ఆన్‌లైన్‌లో ఎలా దరఖాస్తు చేసుకోవాలి? ఆ పూర్తి వివరాలు తెలుసుకుందాం.

పాన్‌ కార్డు ఎందుకు?
పాన్‌ కార్డు ఉద్యోగులు, జీతంతోపాటు బ్యాంక్‌ సర్వీసులకు కూడా ఉపయోగిస్తాం. ఆదాయపు పన్ను రిటర్న్స్‌ ఫైలింగ్‌ చేసేటప్పుడు పాన్‌ కార్డు తప్పనిసరి చేశారు. స్టాక్‌ మార్కెట్‌లో పెట్టుబడులు, ఆస్తుల విక్రయాలకు కూడా పాన్‌ కార్డు ఉపయోగిస్తారు.

పాన్‌ కార్డుకు ఎలా దరఖాస్తు చేయాలి?
మీరు కూడా పాన్‌కార్డుకు దరఖాస్తు చేయాలనుకుంటున్నారా? అయితే, Protean లేదా UTIITSL అధికారిక పోర్టల్‌లో దరఖాస్తు చేసుకోవచ్చు. ముందుగా దరఖాస్తుదారుడి పర్సనల్‌ వివరాలు నమోదు చేయాలి. అక్కడ కావాల్సిన డాక్యుమెంట్స్‌ అప్‌లోడ్‌ చేయాల్సి ఉంటుంది.  ఆ తర్వాత ఫీజు కూడా చెల్లించాల్సి ఉంటుంది. అప్లికేషన్‌ సబ్మిట్‌ చేసిన తర్వాత మీకు ఒక రిసీట్‌ కూడా ఇస్తారు. ఆ నెంబర్‌ భద్రపరచుకోవాలి. దీంతో మీ అప్లికేషన్‌ స్టేటస్‌ చెక్‌ చేసుకోవచ్చు.

ఇన్‌స్టెంట్‌ కార్డు..
మీ మొబైల్‌ నెంబర్‌ ఆధార్‌ కార్డుతో లింక్‌ అయి ఉందా? అయితే, మీరు ఇన్‌స్టెంట్‌ ఇ ప్యాన్‌ కార్డుకు దరఖాస్తు చేసుకోవచ్చు. ఆదాయపు పన్ను శాఖ ద్వారానే మీరు పొందుతారు. ముందు ఈ అధికారిక వెబ్‌సైట్‌ చేయండి. అక్కడ ఇన్‌స్టెంట్‌ e-pan కార్డ్‌ ఆప్షన్‌ హోంపేజీలో కనిపిస్తుంది. ఆ తర్వాత Get a New ePAN ఆప్షన్‌పై క్లిక్‌ చేయాలి. అక్కడ మీరు నమోదు చేసిన వివరాలను వెరిఫై చేస్తుంది. అప్లికేషన్‌ ప్రక్రియ పూర్తయితే మీరు Check Status లేదా Download PAN కార్డు ఎంపిక చేయండి.