రైతులకు బిగ్ అలర్ట్.. అక్టోబర్ 25న పీఎం కిసాన్ డబ్బులు పడుతున్నాయా?.. వెంటనే చెక్ చేసుకోండి!

PM Kisan 24th Installment: ప్రధానమంత్రి కిసాన్ సమ్మాన్ నిధి యోజన ద్వారా దేశవ్యాప్తంగా కోట్లాది మంది రైతులు లబ్ధి పొందుతున్నారు. నిధులు అందుకునే రైతులు ప్రస్తుతం 24వ విడత కోసం ఎదురుచూస్తున్నారు. ఇప్పటివరకు 23 విడతల నిధులను డైరెక్ట్ బెనిఫిట్ ట్రాన్స్‌ఫర్ ద్వారా రైతుల ఖాతాల్లో జమ చేశారు. అయితే, ఖాతాల్లో నిధులు సక్రమంగా జమ కావాలంటే ముందుగానే ఈ-కేవైసీ వంటి పనులు పూర్తి చేయాలి.

ప్రభుత్వం ప్రతి నాలుగు నెలలకు ఒకసారి నిధులను మంజూరు చేస్తుంది. అక్టోబర్ 25న మోదీ తన నియోజకవర్గమైన వారణాసికి వెళ్తున్నందున, అక్కడే నిధులు విడుదల చేస్తారనే వార్తలు వస్తున్నాయి. అక్కడ మోదీ 'ఇండియన్ ఎయిర్ ఫోర్స్ ఓవర్ ద గంగ' షోలో పాల్గొననున్నారు. నమో గంగా ఘాట్ వద్ద జరిగే ఈ ఎయిర్ షోలో సుఖోయ్, రాఫెల్, తేజస్ వంటి విమానాల ప్రదర్శన ఉంటుంది. ఈ సందర్భంగా పెద్ద ఎత్తున సమావేశం కూడా నిర్వహించనున్నారు.

అదే రోజు ఆయన ఒడిశాకు కూడా బయలుదేరుతారు. ఖుర్దా జిల్లాలోని రిజర్వ్ బ్యాంక్ ఆఫ్ ఇండియా గ్రీన్ ఫీల్డ్ డేటా సెంటర్ ట్రైనింగ్ ఇన్స్టిట్యూట్‌ను ఆయన ప్రారంభించనున్నారు. ఈ రెండు కార్యక్రమాల మధ్యలో 24వ విడత నిధులను కూడా మంజూరు చేసే అవకాశం ఉందని వార్తలు వస్తున్నాయి.

గతంలో 2024 జూన్ 20న 23వ విడత పిఎం కిసాన్ నిధులను మంజూరు చేశారు. ఆ నిధులను వెస్ట్ బెంగాల్‌లోని హుగ్లీ తారకేశ్వర్ నగర్‌లో విడుదల చేశారు. ఇప్పుడు వారణాసి పర్యటన నేపథ్యంలో తదుపరి విడత నిధులు విడుదలయ్యే అవకాశం ఉందని అంచనా వేస్తున్నారు. అయితే, 24వ విడత నిధులు ఎప్పుడు మంజూరు అవుతాయనే దానిపై కేంద్ర ప్రభుత్వం ఇంకా అధికారిక ప్రకటన చేయలేదు.

Read Also: దీపావళికి ముందే రూ.2000 జమవుతాయా? PM కిసాన్ 24వ విడతపై బిగ్ అప్‌డేట్!
 

పీఎం కిసాన్ యోజనకు సంబంధించిన తాజా సమాచారం కోసం అధికారిక వెబ్‌సైట్ pmkisan.gov.in లో ఎప్పటికప్పుడు చెక్ చేసుకోవచ్చు. ఇక్కడ మీరు మీ స్టేటస్‌ను తెలుసుకోవడమే కాకుండా, ఈ-కేవైసీని కూడా పూర్తి చేసుకోవచ్చు. కేంద్ర ప్రభుత్వం ప్రతి ఏడాది రైతులకు రూ. 6,000 చొప్పున మంజూరు చేస్తుంది, ఇందులో భాగంగా ప్రతి నాలుగు నెలలకు ఒకసారి రూ. 2,000 చొప్పున విడుదల చేస్తుంది. ఇది రైతుల సాగు ఖర్చులకు ఎంతగానో ఉపయోగపడుతుంది. ఈ నిధులు నేరుగా రైతుల ఖాతాల్లోకి జమ అవుతాయి. అయితే, పిఎం కిసాన్ నిధులు పొందాలంటే తప్పనిసరిగా ఈ-కేవైసీ ప్రక్రియను పూర్తి చేయాలి, అప్పుడే వారికి నిధులు అందుతాయి.