Jio Dussehra Offer 2026: జియో యూజర్లకు దసరా ఆఫర్.. ఒకే ప్లాన్‌తో వై-ఫై, 1000+ టీవీ ఛానెళ్లు, 12+ ఓటీటీ యాప్స్!

జియో కొత్త రీఛార్జ్ ప్లాన్స్

దసరా పండుగ కానుకగా రిలయన్స్ జియో తమ కస్టమర్ల కోసం కొత్త ఆఫర్లను తీసుకొచ్చింది. ఈ కొత్త ప్లాన్‌లలో అపరిమిత వై-ఫై డేటాతో పాటు 1000కి పైగా లైవ్ టీవీ ఛానెళ్లు, 12కు పైగా ప్రముఖ ఓటీటీ యాప్స్ అందుతాయి. 100 Mbps స్పీడ్ ప్లాన్‌ను రూ.2,122తో రెండు నెలలకు తీసుకోవచ్చు. దీనికి మూడో నెల ఉచితంగా లభిస్తుంది. అంటే మూడు నెలలకు సగటున నెలకు రూ.707 ఖర్చవుతుంది.

జియో వైఫై ప్లాన్స్

అలాగే 30 Mbps ప్లాన్ ధర రూ.2,222. ఇది మూడు నెలలకు వర్తిస్తుంది. దీనిపై మరో నెల ఉచితంగా లభిస్తుంది. దీంతో నాలుగు నెలలకు సగటున నెలకు రూ.555 వరకు ఖర్చవుతుంది. ఈ ప్లాన్‌తో 90 రోజుల పాటు ఉపయోగించుకునేలా 100 GB అదనపు డేటా కూడా లభిస్తుంది. రెండు ప్లాన్‌లలోనూ వాయిస్ కాలింగ్ సదుపాయం ఉంది.

టీవీ మాత్రమే కావాలంటే..

ఇంటర్నెట్ అవసరం లేని వారికి జియో ప్రత్యేక టీవీ ప్యాక్‌ను కూడా అందిస్తోంది. రూ.2,000తో ఐదు నెలల పాటు ఈ సేవలను ఉపయోగించుకోవచ్చు. ఇందులో 15కు పైగా ప్రాంతీయ భాషల్లో 1000కి పైగా లైవ్ టీవీ ఛానెళ్లు, 200కు పైగా HD ఛానెళ్లు ఉన్నాయి. రెండు నెలల ప్యాక్ ధర రూ.1,000గా ఉంది.

వై-ఫై ప్యాక్‌లు కూడా..

కేవలం ఇంటర్నెట్ కావాలనుకునే వారికి 100 Mbps వై-ఫై ప్యాక్ ఐదు నెలలకు రూ.3,000గా ఉంది. రెండు నెలల ప్యాక్ ధర రూ.1,500. 30 Mbps స్పీడ్‌తో ఐదు నెలల ప్యాక్ రూ.2,200 కాగా, రెండు నెలల ప్యాక్ రూ.1,100గా ఉంది.

జియో ఎయిర్‌ఫైబర్ ప్లాన్స్

అయితే అపరిమిత డేటా పేరుతో ఉన్నప్పటికీ కొన్ని పరిమితులు ఉన్నాయి. జియోఫైబర్‌కు నెలకు 3,300 GB, జియో ఎయిర్‌ఫైబర్‌కు 1,000 GB వరకు హై-స్పీడ్ డేటా లభిస్తుంది. ఆ పరిమితి దాటితే ఇంటర్నెట్ పూర్తిగా ఆగదు కానీ వేగం 64 Kbpsకు తగ్గుతుంది.