టైప్ 2 డయాబెటిస్‌ను అదుపు చేసే దాల్చిన చెక్క..! ఇలా తీసుకుంటే ఎంతో బెట్టర్‌..
ఈ మధ్యకాలంలో షుగర్ వ్యాధి చాలా సాధారణంగా మారిపోయింది. చాలామంది దీనితో బాధపడుతున్నారు. జీవనశైలి మార్పులు, కుటుంబ చరిత్ర లేదా ఇతర ఆరోగ్య కారణాల వల్ల ఇది రావచ్చు. అయితే, షుగర్ స్థాయిలు ఎల్లప్పుడూ సమతుల్యంగా ఉండాలి.చక్కెర స్థాయిలు పెరిగినా లేదా తగ్గినా అది ఇబ్బందికరమే. దాల్చిన చెక్క ద్వారా షుగర్‌ను నయం చేసుకోవచ్చని మనం తరచుగా వింటూ ఉంటాం. వంటగదిలో ఉండే మసాలాతో షుగర్‌ను ఎలా నియంత్రించవచ్చో ఇప్పుడు తెలుసుకుందాం.
Cinnamon For Type 2 Diabetes: మన వంటగదిలోని మసాలా డబ్బాలో దాల్చిన చెక్కకు ప్రత్యేక ప్రాముఖ్యత ఉంది. ఇది వంటకు రుచితో పాటు పుష్కలంగా ఔషధ గుణాలను కూడా కలిగి ఉంటుంది. షుగర్ నియంత్రణలో దాల్చిన చెక్క కీలక పాత్ర పోషిస్తుంది. షుగర్ వ్యాధిగ్రస్తులు ప్రతిరోజూ మందులు వాడుతూ, రక్తంలోని చక్కెర స్థాయిలను నిరంతరం నియంత్రణలో ఉంచుకోవాలి. చక్కెర స్థాయిలు అదుపు తప్పితే అది ప్రాణాపాయానికి దారితీయడమే కాకుండా, కళ్లు, కాలేయం, కిడ్నీల వంటి ఇతర అవయవాలపై కూడా ప్రభావం చూపుతుంది. కాబట్టి, ఎప్పటికప్పుడు వైద్యుల సలహాతో పరీక్షలు చేయించుకుంటూ, మందులు వాడుతూ షుగర్‌ను నియంత్రణలో ఉంచుకోవాలి. వంటగదిలోని కొన్ని వస్తువులతో కూడా షుగర్‌ను అదుపు చేయవచ్చు, అందులో దాల్చిన చెక్క ప్రత్యేకమైనది. ఇందులో క్వెర్సిటిన్ వంటి సమ్మేళనాలు, యాంటీ ఇన్‌ఫ్లమేటరీ, యాంటీ ఆక్సిడెంట్ గుణాలు ఉంటాయి. కాబట్టి టైప్ 2 డయాబెటిస్ ఉన్నవారు దీనిని తీసుకోవచ్చు. ప్రతిరోజూ ఉదయం పరగడుపున దాల్చిన చెక్క నీరు తీసుకోవడం వల్ల రోజంతా షుగర్ నియంత్రణలో ఉంటుంది. దీనిని 'సహజ ఇన్సులిన్' అని కూడా పిలుస్తారు; దీనివల్ల షుగర్ నియంత్రణతో పాటు గుండె జబ్బుల ప్రమాదం కూడా తగ్గుతుంది.
పరగడుపున తీసుకోలేకపోతే, ఉదయం లేదా సాయంత్రం ఒక టీస్పూన్ తీసుకోవడం సరిపోతుంది. ఇది టైప్ 2 డయాబెటిస్ ఉన్నవారిలో ఇన్సులిన్‌లా పనిచేసి, క్లోమగ్రంధిలోని బీటా కణాలను ఉత్తేజితం చేస్తుంది, తద్వారా చక్కెర స్థాయిలు అదుపులో ఉంటాయి. దీనిని పొడి చేసుకుని ఉంచుకుని, ప్రతిరోజూ ఉదయం పరగడుపున నీటిలో కలుపుకుని తీసుకోవడం ఉత్తమం. వెంటనే కావాలనుకుంటే దాల్చిన చెక్కతో టీ కూడా తయారు చేసుకోవచ్చు; దాన్ని బాగా మరిగించి అందులో నిమ్మరసం కలిపి తీసుకుంటే మరింత ప్రయోజనం లభిస్తుంది.
అయితే, కేవలం దాల్చిన చెక్కతోనే షుగర్ నియంత్రణ సాధ్యం కాదు. దీనితో పాటు క్రమం తప్పకుండా వ్యాయామం, వాకింగ్ చేయడం అలవాటు చేసుకోవాలి. ఆహార నియమాల్లో సరైన మార్పులు ఉండాలి; తెల్ల పదార్థాలైన బియ్యం, ఉప్పుకు దూరంగా ఉండాలి. అలాగే కొలెస్ట్రాల్ పెంచే కొవ్వు పదార్థాలు, జంక్ ఫుడ్‌కు దూరంగా ఉండటం చాలా ముఖ్యం. నూనె వాడకాన్ని తగ్గించి, క్రమం తప్పకుండా వ్యాయామం చేస్తే ఆరోగ్యంగా ఉండవచ్చు.(Disclaimer: పాఠకులారా ఈ వ్యాసం కేవలం సాధారణ సమాచారం, సలహాలను మాత్రమే అందిస్తుంది. ఇది ఎంతమాత్రం వృత్తిపరమైన సలహా కాదు. ఈ సమాచారానికి జీ తెలుగు న్యూస్ ఎటువంటి బాధ్యత వహించదు.)
Read Also: షుగర్ ఉన్నవారికి కొత్త ముప్పు! 'డబుల్ డయాబెటిస్' వచ్చే ప్రమాదం ఎవరికి ఎక్కువ? అలర్ట్ లేకపోతే అంతే!
Read Also: సీజన్ మారినప్పుడల్లా జలుబు, జ్వరం వస్తున్నాయా? ఈ 5 సింపుల్ చిట్కాలతో ఇన్ఫెక్షన్లకు బై బై చెప్పండి!
