Airtel New Plan: జియో, వీఐకి షాక్ ఇస్తూ ఎయిర్టెల్ నుంచి అదిరిపోయే ప్లాన్.. తక్కువ ధరలో ఎక్కువ బెనిఫిట్స్‌!
ప్రైవేటు దిగ్గజ కంపెనీ ఎయిర్టెల్ సిమ్‌కార్డు వినియోగదారులకు భారీగుడ్‌ న్యూస్‌.. కేవలం రూ.499 ప్లాన్‌తో అపరిమిత 5జీ డేటా, అపరిమిత కాలింగ్‌, ఎడోబ్‌ ఎక్స్‌ప్రెస్‌ ప్రీమియం, అంతర్జాతీయ రోమింగ్‌తోపాటు గూగుల్‌ క్లౌడ్‌ స్టోరేజ్‌ 100 జీబీ ఉచితంగా పొందుతారు. ఈ ప్లాన్ పూర్తి వివరాలు తెలుసుకుందాం.
Airtel Rs 499 Plan: జియో, వీఐకి షాకిచ్చేలా ఎయిర్టెల్ బంపర్ రీఛార్జీ ప్లాన్ పరిచయం చేసింది. ఇందులో ఒక సిమ్‌కార్డు వినియోగదారుడికి కావాల్సిన బెనిఫిట్స్‌ అన్నీ లభిస్తాయి. బడ్జెట్‌ ఫ్రెండ్లీలోనే ఎయిర్టెల్ ప్లాన్స్‌ అన్నీ లభిస్తాయి. దీంతోపాటు ఈ ప్రైవేటు దిగ్గజ కంపెనీకి వాయిస్‌ ఓన్లీ ప్లాన్స్‌ పరిచయం చేసిన మొదటి టెలికాం కంపెనీగా కూడా రికార్డు కైవసం చేసుకుంది. అయితే, ఎయిర్టెల్ రూ.499 రీఛార్జీ ప్లాన్స్‌తో కూడా వినియోగదారులు అపరిమిత 4జీ, 5జీ డేటా, కాలింగ్‌ బెనిఫిట్స్‌, అపరిమత లొకల్‌, ఎస్టీడీ, ప్రతిరోజూ 100 ఎస్‌ఎంఎస్‌లు కూడా పొందవచ్చు. దీంతోపాటు ఈ ప్లాన్‌తో రీఛార్జీ చేసుకుంటే 100 జీబీ గూగుల్‌ వన్‌ స్టోరేజ్‌ క్లౌడ్‌, ఎడోబ్‌ ఎక్స్‌ప్రెస్‌ ప్రీమియం 12 నెలలపాటు పొందుతారు. దీంతోపాటు ఎయిర్టెల్ ఎక్స్‌ట్రీమ్‌ ప్లే ప్రీమియం ప్లాన్ కూడా యాక్సెస్‌ పొందుతారు.
ఎయిర్టెల్ రూ.499 ప్లాన్ వివరాలు..
ఎయిర్టెల్ ఫాస్ట్‌ లేన్‌ ప్లాన్ కేవలం రూ.499 మాత్రమే. దీని వ్యాలిడిటీ నెలపాటు లభిస్తుంది. ఇందులో జీఎస్టీ వంటి ఛార్జీలు ఉండవు. అయితే, రీఛార్జీ చేసే సమయంలో మీరు వాడిన ప్లాట్‌ఫామ్‌ ఆధారంగా జీఎస్టీ వర్తిస్తుంది. ఈ ప్లాన్‌లో అతిపెద్ద లాభం ఏంటంటే 4జీ, 5జీ డేటా పొందుతారు. ఇది వీడియో స్ట్రీమింగ్‌, ఆన్‌లైన్‌ మీటింగ్స్‌, సోషల్‌ మీడియా, గేమింగ్‌, పెద్ద ఫైల్స్‌ కూడా డౌన్‌లోడ్‌ చేసుకోవచ్చు. ఈ ప్లాన్‌లో మీరు సిమ్‌ కార్డు కూడా పొందుతారు.
అంతర్జాతీయంగా ఉచిత రోమింగ్‌..
ఎయిర్టెల్ ఈ ప్లాన్‌లో మీరు అంతర్జాతీయంగా కూడా ఉచిత రోమింగ్‌ బెనిఫిట్స్‌ పొందుతారు. కంపెనీ నియమం ప్రకారం సిమ్‌ కొనుగోలు చేసిన 90 రోజుల తర్వాత ఈ బెనిఫిట్‌ పొందవచ్చు. ప్రధానంగా విదేశీ ప్రయాణం చేసేవారికి కూడా ఇది బెస్ట్‌ ప్లాన్. వీరు ప్రత్యేకంగా రోమింగ్‌ కోసం కొత్త కనెక్షన్‌ పొందాల్సిన అవసరం లేదు.
గూగుల్‌ వన్‌ స్టోరేజ్‌..
ఈ ప్లాన్‌తో రీఛార్జీ చేసుకుంటే మీరు పొందే మరో బంపర్ బెనిఫిట్‌ 100 జీబీ క్లౌడ్‌ స్టోరేజ్‌ కూడా పొందుతారు. ఈ కాలంలో ఫోటోస్‌, వీడియోలు, ముఖ్యమైన డాక్యుమెంట్స్‌ స్టోర్‌ చేయాలంటే ఎక్కువ స్టోరేజ్‌ కావాలి. దీంతో అదనంగా ఫోన్‌ స్టోరేజ్‌ కూడా పొందుతారు. ఈ ప్లాన్‌లో ఎయిర్టెల్ వినియోగదారులకు 12 నెలలపాటు ఎడోబ్‌ ఎక్స్‌ప్రెస్‌ ప్రీమియం కూడా పొందుతారు.
ఎయిర్టెల్ ఎక్స్‌ట్రీమ్‌ ప్లే ప్రీమియం..
ఇక ఎయిర్టెల్ అందిస్తోన్న ఈ ప్రీమియం ప్లాన్‌లో మీరు పొందే అదనపు బెనిఫిట్‌ ఏంటంటే ఎయిర్‌ ఎక్స్‌ట్రీమ ప్లే ప్రీమియం యాక్సెస్‌ కూడా లభిస్తుంది. దీంతోపాటు వినియోగదారులు ఈ రీఛార్జీ ప్లాన్ వ్యాలిడిటీ సమయంలో ఫ్రీ హలోట్యూన్స్‌ కూడా పొందుతారు. దీంతో మీకు కావాల్సిన కాలర్‌ట్యూన్‌ కూడా సెట్‌ చేసుకోవచ్చు. ఇక ఎయిర్టెల్ ఇటీవలె ఫ్రాడ్‌ లింక్‌ బ్లాకింగ్‌, స్పామ్‌ ప్రొటెక్షన్‌, ఓటీపీ అలెర్ట్స్‌ ఫీచర్‌ను కూడా తీసుకువచ్చిన సంగతి తెలిసిందే.
