Bank Holiday: రేపు అక్టోబర్ 21న ఎస్‌బీఐ, పీఎన్‌బీ సహా ఇతర బ్యాంకులు పనిచేస్తాయా? లేదా?

Is October 21 Bank Holiday: ప్రతి బ్యాంకు స్థానిక పండుగలు లేదా ప్రత్యేక సెలవుల ఆధారంగా బ్రాంచీలను మూసివేసే అవకాశం ఉంటుంది. సాధారణంగా దేశవ్యాప్తంగా అన్ని బ్యాంకులు ప్రతి ఆదివారం, రెండో, నాలుగో శనివారాలు సెలవు ఇస్తాయి. అయితే, స్థానిక పండుగలు ఉన్నప్పుడు పండుగ మరుసటి రోజు బ్యాంకులు తెరుస్తాయో లేదో చూసుకుని వెళ్లాలి, లేకపోతే ఇబ్బందులు ఎదురవుతాయి. అక్టోబర్ 21, బుధవారం బ్యాంకులు ఎక్కడ పనిచేస్తాయో ఇప్పుడు తెలుసుకుందాం.

ఈరోజు, అక్టోబర్ 20వ తేదీ దసరా సందర్భంగా దేశవ్యాప్తంగా ఉన్న అన్ని బ్యాంక్ బ్రాంచీలు సెలవుగా ఉన్నాయి. ఆర్‌బీఐ క్యాలెండర్ ప్రకారం ఈ సెలవు వర్తిస్తుంది. ప్రధానంగా విజయదశమి, దుర్గాపూజ సందర్భంగా అస్సాం, కర్ణాటక, కేరళ, సిక్కిం, త్రిపుర, వెస్ట్ బెంగాల్ వంటి రాష్ట్రాలతో పాటు దేశవ్యాప్తంగా బ్యాంకులు బంద్ ఉండవచ్చు. ఇందులో స్టేట్ బ్యాంక్ ఆఫ్ ఇండియా, పంజాబ్ నేషనల్ బ్యాంక్, బ్యాంక్ ఆఫ్ బరోడా, కెనరా బ్యాంక్, యాక్సిస్ బ్యాంక్, హెచ్‌డిఎఫ్‌సి), ఐసీఐసీఐ వంటి బ్యాంకులు కూడా సెలవులో ఉంటాయి.

దసరా పండుగను విజయదశమి అని కూడా పిలుస్తారు. ఇది హిందువులకు ఎంతో ముఖ్యమైన పండుగ, చెడుపై మంచి సాధించిన విజయానికి చిహ్నం. సంప్రదాయం ప్రకారం, రాముడు రావణుడిని సంహరించిన రోజుగా, దుర్గామాత మహిషాసురుడిని అంతం చేసిన రోజుగా ఈ విజయదశమిని దేశవ్యాప్తంగా ఎంతో వేడుకగా జరుపుకుంటారు. ఈ ప్రాంతాల్లో వేడుకలు వైభవంగా జరుగుతాయి కాబట్టి బ్యాంకులు సెలవులో ఉంటాయి.

అయితే, రేపు అక్టోబర్ 21వ తేదీన అస్సాం, కర్ణాటక, కేరళ, సిక్కిం, త్రిపుర, వెస్ట్ బెంగాల్ రాష్ట్రాల్లో బ్యాంకులు సెలవుగా ఉంటాయి, ఎందుకంటే అక్కడ విజయదశమి, దుర్గా పూజ వేడుకలు జరుగుతున్నాయి. అక్టోబర్ 22వ తేదీ గురువారం సిక్కింలో దశాయిని సందర్భంగా బ్యాంకులు బంద్ ఉంటాయి. అక్టోబర్ 23వ తేదీ శుక్రవారం కూడా సిక్కింలో దుర్గా పూజ కారణంగా సెలవు ఉంటుంది. అక్టోబర్ 24వ తేదీ నాలుగో శనివారం, అక్టోబర్ 25వ తేదీ ఆదివారం కూడా బ్యాంకులు బంద్ ఉంటాయి.

అక్టోబర్ 26వ తేదీన లక్ష్మీ పూజ, వాల్మీకి జయంతి సందర్భంగా చండీగఢ్, జమ్మూ కాశ్మీర్, త్రిపురలో బ్యాంకులు బంద్ ఉంటాయి. అక్టోబర్ 29వ తేదీ గురువారం కార్వాచౌత్ సందర్భంగా హిమాచల్ ప్రదేశ్‌లో బ్యాంకులు సెలవుగా ఉంటాయి. అక్టోబర్ 31వ తేదీ సర్దార్ వల్లభాయ్ పటేల్ జయంతి సందర్భంగా గుజరాత్‌లో బ్యాంకులు బంద్ ఉంటాయి.

Read Also: దీపావళికి ముందే రూ.2000 జమవుతాయా? PM కిసాన్ 24వ విడతపై బిగ్ అప్‌డేట్!

బ్యాంకులు సెలవులో ఉన్నప్పటికీ, వాటి ఏటీఎం సేవలు, ఆన్‌లైన్ థర్డ్ పార్టీ యాప్ సేవలు యథావిధిగా అందుబాటులో ఉంటాయి. పెద్ద మొత్తంలో నగదు విత్‌డ్రా లేదా డిపాజిట్ చేయాల్సి వస్తేనే ఇబ్బంది అవుతుంది, కానీ రెగ్యులర్ మనీ ట్రాన్స్‌ఫర్, ఇంటర్నెట్ బ్యాంకింగ్ వంటి సేవలు అందుబాటులో ఉంటాయి.