సీఈసీకి వ్యతిరేకంగా దాఖలైన పిటిషన్లపై సుప్రీం విచారణ.. జ్ఞానేష్‌పై వేటుకు నిరాకరణ..

Supreme Court Verdict on CEC: సుప్రీంకోర్ట్  ఛీఫ్ జస్టిస్ సూర్యకాంత్ నాయకత్వంలోని సుప్రీంకోర్టు ధర్మాసనం సీఈసీ జ్ఞానేష్ కుమార్  పిటిషన్లపై విచారణ చేపట్టింది. విచారణ సందర్భంగా పిటిషనర్లు పేర్కొన్నట్లుగా సీఈసీ జ్ఞానేశ్ కుమార్‌ను బాధ్యతల నుంచి తొలగించడానికి సుప్రీంకోర్టు నిరాకరించింది.

చట్టవిరుద్ధంగా నిర్ణయాలు తీసుకున్నారా..

ప్రధాన ఎన్నికల కమిషనర్‌గా  జ్ఞానేశ్ కుమార్ ఏకపక్షంగా లేదా చట్ట విరుద్ధంగా ఎలాంటి నిర్ణయాలైనా తీసుకున్నారని నిరూపితమైతే.. ఆయా నిర్ణయాలను వెంటనే పునఃపరిశీలించడం లేదా పూర్తిగా రద్దు చేయడం జరుగుతుందని ధర్మాసనం క్లారిటీ ఇచ్చింది. ఈ వ్యవహారానికి సంబంధించి పూర్తి వివరాలతో కౌంటర్ పిటిషన్ దాఖలు చేయాలని కేంద్ర ఎన్నికల సంఘాన్ని సుప్రీం ధర్మాసనం  ఆదేశించింది.

ఏకపక్షంగా నిర్ణయాలు తీసుకున్నారని నిరూపితమైతే..
ఎన్నికల సంఘం దాఖలు చేసే జవాబు ఆధారంగానే ఈ కేసులో తదుపరి విచారణ చేపడతామని సుప్రీంకోర్టు వెల్లడించింది.ఛీఫ్ ఎలక్షన్ కమిషనర్‌కు వ్యతిరేకంగా రాకేశ్ కుమార్ సింగ్, అడ్వకేట్ శైలేంద్ర మణి త్రిపాఠి పిటిషన్లు దాఖలు చేశారు.  

సీఈసీకి వ్యతిరేకంగా దాఖలైన పిటిష్లపై విచారణ..

ఎస్ఐఆర్ విషయంలో గత 10 నెలల కాలంలో 14 నిర్ణయాల్ని సీఈసీ జ్ఞానేష్ కుమార్ ఏకపక్షంగా తీసుకున్నారంటూ ఆయనపై ఆరోపణలు వచ్చాయి. అదేం లేదంటూ ఈసీ వివరణలు ఇచ్చింది. అయినా దీనిపై విపక్షాలు మాత్రం తగ్గేదేలా అంటున్నాయి.  అలాగే కాక్రోచ్ జనతా పార్టీ కూడా సీఈసీ తీరుపై తీవ్ర విమర్శలు గుప్పించింది.  ఆయన రాజీనామా చేయాల్సిందేనంటూ ముంబైలో ఇప్పటికే భారీ ఆందోళన చేపట్టింది. అలాగే ఢిల్లీలోనూ జంతర్ మంతర్ వద్ద విపక్షాలు, కమ్యూనిస్టు విద్యార్ధి సంఘాలు ఆందోళనలు చేపట్టిన విషయం తెలిసిందే. అదే సమయంలో సీఈసీ జ్ఞానేష్ కు వ్యతిరేకంగా సుప్రీంకోర్టులో పలు పిటిషన్లు దాఖలయ్యాయి. వాటిని ఒకసారి సుప్రీం నేడు విచారణ జరిపింది.