Khammam: నాన్న ఈ చొక్కాలు నీకు బాగుంటాయి.. తండ్రి కళ్ల ముందే కుప్పకూలీన బీటెక్ యువకుడు.. ఖమ్మంలో పెను విషాదం..

Btech student dies with heart attack in wyra Khammam: ఇటీవల చిన్న పిల్లల నుంచి పెద్ద వారి వరకు అందరు హర్ట్ స్ట్రోక్ లకు గురౌతున్నారు. అప్పటి వరకు బాగా ఉన్న వారు కాస్త ఒక్కసారిగా కుప్పకూలీపోతున్నారు. ఆఫీసుల్లో పనులు చేస్తు, జిమ్ చేస్తు, రోడ్డుపైన ప్రయాణం చేస్తు గుండెపోటుకు గురైన ఘటనలు కొకొల్లలు.అంతే కాకుండా కొంత మంది  అప్పటి వరకు తమ వారితో మాట్లాడుతూనే ఒక్కసారిగా హర్ట్ స్ట్రోక్ కు గురౌతున్నారు. ఇలాంటి ఘటనలు చిన్న పిల్లల నుంచి పెద్దవారి వరకు కన్పిస్తున్నాయి. తాజాగా.. ఖమ్మంలోని వైరాలో ఒక బీటెక్ యువకుడు గుండెపోటుతో ఒక్కసారిగా కుప్పకూలీపోయాడు.

 దసరా నేపథ్యంలో ఇప్పటికే స్కూళ్లు, కాలేజీలకు సెలవులు ప్రకటించిన విషయం తెలిసిందే.  ఈ క్రమంలోఖమ్మంలోని వైరాకు చెందిన రాఘవ.. హైదరాబాద్‌లోని ఒక ఇంజినీరింగ్‌ ఫస్ట్ ఇయర్ చదువుతున్నాడు. రాఘవ దసరా సెవలుల నేపథ్యంలో తన ఇంటికి వచ్చాడు. తల్లిదండ్రులకు కొత్త బట్టలు తెచ్చాడు. అవి వేసుకున్న తండ్రినిచూస్తు నాన్న ఈ బట్టలు నీకు బాగున్నాయ్ అంటూ మాట్లాడుతూనే కుప్పకూలీపోయాడు. ఇంకా అతను అపస్మారక స్థితిలోకి వెళ్లిపోయాడు.

అక్కడే ఉన్న తల్లితండ్రులు, సోదరికి ఏం జరిగిందో తెలియలేదు. వెంటనే అతనికి సీపీఆర్​ చేశారు. అయినా ఫలితం కనిపించలేదు. హుటా హుటీన దగ్గరలోని ఆస్పత్రికి తరలించారు. కానీ అప్పటికే రాఘవ గుండెపోటుతో చనిపోయినట్లు వైద్యులు తెలిపారు. 

అప్పటి వరకు సరదాగా ఉన్న తమ కొడుకు లేరని వార్త తెలిసి ఆకుటుంబం గుండెలవిసేలా రోదిస్తున్నారు. దసరా సెలవులకని ఇంటికి వచ్చి విగత జీవిలా మారిపోయిన తమ బిడ్డను చూసి రోదిస్తున్న ఆ తల్లిదండ్రుల బాధను చూసి అక్కడి వారు సైతం చలించి పోయారు. దసరా పండగ వేళ ఈ ఘటన వైరాలో తీవ్ర విషాదకరంగా మారింది.