Published: Nov 19, 2026, 11:40 IST|Updated: Nov 19, 2026, 11:50 IST
Telangana Water Crisis News: హైదరాబాద్లోని కేపీహెచ్బీ (KPHB) హాస్టళ్లపై తీవ్ర నీటి కొరత ప్రభావం పడింది. సూపర్ ఎల్నినో ప్రభావం కారణంగా బోర్లు ఎండిపోవడంతో హాస్టళ్ల నిర్వహణ రోజురోజుకూ భారంగా మారుతోందని హాస్టల్ యాజమాన్యాల అసోసియేషన్ ఆవేదన వ్యక్తం చేసింది. నీటి ట్యాంకర్ల ధరలు భారీగా పెరగడంతో పాటు సుదూర ప్రాంతాల నుంచి నీటిని కొనుగోలు చేయాల్సి వస్తుండటంతో నిర్వహణ వ్యయం తడిసిమోపెడవుతోంది. భవన యజమానులు అద్దెలు తగ్గించి సహకరించకపోతే, వచ్చే జనవరి లేదా ఫిబ్రవరి నుంచి హాస్టళ్లను మూసివేసి తాళాలను యజమానులకే అప్పగిస్తామని అసోసియేషన్ హెచ్చరించింది.